DILI- Ekipa selesaun nasional futsal Timor-Leste preparadu ona hodi partisipa AFF Futsal Championship 2022 iha Tailandia, ne’ebe sei desloka ba nasaun refere iha semana ne’e antes eventu realiza iha fulan abril nia laran.
Hafoin halo preparasaun oin-oin ba jogador ida-idak ni-nia Fiziku ne’ebe Taka ho mentalidade Liu husi try out hasoru Klubu nasional Sira, nune’e parte AFTL konsidera Selesaun Nasional Preparadu ba kompete iha AFF Futsal Championship 2022.
“Ita nia jogador sira dadauk ne’e sira nia kondisaun nee preparadu entermu fiziku mentalidade liga ba try out sira ne’ebe mak Ita nia jogador hala’o durante ne’e, ne’ebe ita nia jogador selesaun nasional futsal hamutuk nain 16 sei desloka ba Tailandia hodi partisipa iha kompetisaun AFF futsal Championship 2022” Sekretariu Jeral AFTL Fernando Baptista ba Jornalista sira iha Xanana Sport Center,Dili (21/03).
Fernando dehan, selesaun nasional hanesan hotu hotu akompanha durante nee try out sira konsege mana Ida no lakon dala ida, sira halo fali availasaun no tuir mai sira melhora fali sira nia kualidade.
partisipasaun Ida Mak dahuluk ba futsal ne’ebe Mai husi Pra-Liga Futsal Timor Leste, tan ne’e parte AFTL enkoraja atu Selesaun Nasional hatudu netik buat ruma iha Kampo.
“AFTL hamrik ofisialmente lori selesaun ba liur mak ida ne’e, ne’ebe la foo tarjetu boot ba sira maibe nafatin enkoraja sira para atu bele hatudu saida mak sira bele durante iha kampu“, Nia relata.
Iha sorin seluk Adjuntu Sekretariu Jeral FTTL Frederico Martins hatete, orsamentu ba selesaun nasional futsal ba Tailandia orsamentu sei apoiu tomak husi FFTL ne’ebe esperansa FFTL ba selesaun nasional mak tenki ba partisipa iha AFF Futsal Cup Kuwait iha fulan novembru tanba eventu AFF futsal Championship Tailandia hanesan kualifikasaun ba eventu iha Kuwait.
“Jogu ida ne’e hanesan kualifikasaun ba AFC Futsal Cup iha Kuwait iha fulan novembru 2022 tuir regulamentu iha eventu ne’e husi Klasifikasaun dahuluk, daruak no datoluk iha pool A no B signifika nasaun neen mak ba partisipa iha Kuwait entaun Ita nia espetativa ba Sira bele partisipa iha Kuwait” Nia dehan.
Kompetisaun AFF Futsal Championship 2022 iha Tailandia sei hahu iha loron 2 to’o loron 10 fulan abril 2022 iha sidade Bangkok ne’e ekipa selesaun nasional futsal iha pool B hamutuk ho nasaun Australia, Vietnam no Myanmar no kompetisaun sei la’o durante loron sia nia laran.
ADS
