DILI- Federasaun Futebol Timor-Leste (FFTL) produz ona treinador nain-200 ba kategoria lisensa B, C no D 2022, ne’ebe Mak daudaun ne’e espalla iha territoriu
Desde 2020 Federasaun komesa fo formasaun ba trinador hamutuk nain-200 ba kategoria lisensa lisensa nível B, C no D hamutuk nain-200 husi munisipiu 11, Enkuantu ba munisipiu Bobonaro no Lautem mak seidauk iha formasaun ba treinador ho lisensa nível D.
“Tuir data, ita iha treinador hamutuk nain-200 to’o loron ohin ho lisensa B, C no D nian, maibe so munisipiu Bobonaro ho Lautem mak formasaun treinador ho lisensa D seidauk halao, agora dadauk ami planu hela atu halo lisensa D ba iha munisipiu rua nee, atu nunee ita bele rekruta tan sira neebe diak bele foti fali lisensa C ne’ebe mak sei hala’o iha tinan ida nee nia laran”, diretor tekniku FFTL Gaspar Quintão ba jornalista sira iha nia knaar fatin Bairro Formosa, Dili tersa (22/03).
Diretor hatutan, formasaun ba lisensa ho nível D halo iha sira nia munsipiu no formasaun ba lisensa C mak halo iha nasional tanba presija iha fasilidade ne’ebe diak.
Formasaun Ida ne’e, kompostu husu 24 ne’ebe Mai husi kada munisipio, ne’ebe tuir formasaun hahu husi nivel D Mak sei tais to’o nivel C no D.
“Kada munisipiu ema nain-24 mak tuir formasaun treinador lisensa nível D ne’ebe karik sira diak mai tuir lisensa C nian iha nasional, formasaun sira ne’e ba feto no Mané“, Nia hatutan
Tinan ida ne’e alende federasaun halo formasaun treinador lisensa D iha munisipiu Bobonaro no Lautem sira sei kontinua halo formasaun ba treinador lisensa C, B no A iha nasional.
ADS
