DILI— Federasaun Alterofilizmu Kultura Fíziku e Peso Timor-Leste (FACHUPTIL) liuhusi modalidade body building retira partisipa iha Sea Games Hanoi Vietname 2022, tanba ne’e governu liuhusi Sekretáriu Estadu Juventude no Desportu (SEJD), Abrão Saldanha, hatete sei la fó impaktu ba Timor-Leste iha eventu refere, maibé sei fo impaktu ba Atleta sira nia perparasaun.
Ante ne’e modalidade body building deklara katak, kansela partisipa Sea Games iha sidade Hanoi, Vietnam iha fulan Maiu tinan ne’e, tanba Governu la iha Orsamentu.
“Modalidade body building la partisipa la iha impaktu ba Timor-Leste, maibé impaktu ba atleta sira ne’ebé preparadu ona, rezignasaun ne’e vontade federasaun nian ne’ebé governu la obriga federasaun, maibé sei iha oportunidade ba atleta sira karik hakarak ba no sira la ba halo preparasaun ba kampionatu nasionál hodi selesiona atleta”, deklara SEJD Abrao Saldanha ba jornalista sira iha nia knaar fatin Lesidere, Dili segunda (4/04).
Nia hatutan, modalidade body building la partisipa laiha impaktu ba TL, tanba modalidade seluk mak boxing, taekwondo no seluk mós preparasaun másimu.
Governante ne’e dehan, sira retira vontade federasaun nian, karik governu mak lakohi sira atu partisipa.
Nia hatutan, modalidade body building ho hit-besi prepara iha rai laran, realiza kampionatu nasionál hodi define atleta kualidade ba oportunidade tuir mai.
Nia hatutan, governu prepara orsamentu ho montante 200.000 USD atu haruka ba atleta sira ba sea games, ne’e polítika governu nian, la’ós ba partisipa maibé kompete ho prestasaun.
Abrão dehan, lori governu nia naran husu ba CDTL ho CONTL atu halo re-selesaun lalais ba atleta poténsia ne’ebé partisipa jogu internasionál hodi partisipa iha sea games tinan ne’e.
Governante ne’e afirma, tenke define didi’ak atleta, tanba la’ós ba partisipa de’it, maibé tenke hetan medalla ruma iha eventu refere.
Abrão informa, loloos atleta body building ba partisipa, CONTL tenke konfirma ho governu atu nune’e redús mak modalidade hit-besi, tanba hit-besi nia klase hahú 75 kg 100 kg to’o 150 kg.
Nia hatutan, atleta hit-besi treinu oinsá mós labele kompete, tanba besi ne’e todan governu nia hakarak atleta bele ba maibé tenke prestasaun, imaturidade di’ak no múskulu di’ak.
Abrão hatete, governu tenke servisu hamutuk ho CDTL, CONTL no federasaun sira mak atu haree didi’ak atleta sira nia prestasaun di’ak mak bele ba kompete la’ós ba fó fali solidariedade ba modalidade seluk
ADS
