DILI – Atu Dezenvolve Futebool iha Timor Leste, Projetu KOICA husi Governu Koreanu liu husi Ajensia KOICA serbisu hamutuk ho Governu Timor Leste liu husi Sekretáriu Estadu Juventude no Desportu hodi rekruta labarik sira ho idade 11 to’o 16 ba Academia
“Atividade ne’e suporta husi KOICA, Fc Dezenvolve ne’ebé projetu husi KOICA, ne’ebé agora dadaun ne’e ami fokus liu atu rekruta labarik sira ho idade 11 to’o 16 ba iha Futebool Academia nian” kordenador projetu Dezenvolvimentu Ivonia Varela ba jornalista sira iha kampu Futebool Kampu Alor Dili kinta (07/04).
Nia dehan, rekrutamentu ne’e hahú tiha ona iha 28 Marsu agora dadaun la’o hela no sei remata iha loron 10 fulan Abríl tinan ne’e
Iha prosesu rekrutamentu ne’e labarik sira antusiaismu tebes hodi halo rezistu no to’o oras ne’e totál jogador ne’ebé mak rejistu ona ne’e mane hamutuk 300 no feto hamautuk 76 .
Rekrutamentu ne’e la’ós de’it hala’o iha kampu Futebool iha kampu Alor maibé iha Kampu Komoro no mós iha eskola sira
Nia esplika, Iha rekrutamentu ne’e la’ós de’it atu fokus ba treinamentu maibé Sei fo formasaun liuliu disiplina iha liu liu respeita nia maluk sira seluk
CharllY Junior
