DILI-Federasaun Futebol Timor-Leste (FFTL) aprezenta planu Federasaun nia iha Kongresu Federation International Football Asosiation (FIFA) iha Qatar.
FIFA realiza kongresu ba dala 72 iha Doha, Qatar, kinta 31 marsu 2022 iha biban ne’e estrutura foun FFTL aprezenta planu federasaun nian tanba federasaun hetan finanseiru 100% ba atividade federasaun nian husi FIFA
“Planu federasaun ami aprezenta ba FIFA mak husu apoiu finanseiru ba liga Mane, feto, grassroot, futsal no finanseiru halo kampu futsal no hadia kampu FFTL no Stadium Munisipal Dili tanba FIFA apoiu finanseiru 100% ba ita la iha sponsor seluk hanesan ho nasaun sira seluk ita menus sponsor” sekretariu jeral FFTL Gregorio Correia ba jornalista sira iha nia knaar fatin Bairro Formosa, Dili sesta (8/04).
“FIFA bolu ami ba tuir kongresu ne’ebe ami enkontru koalia kona ba estrutura federesaun nian no procurament ne’ebe tempu badak sei buka ema procurament para haree servisu federasaun nian” tenik nia.
Nia hatutan, programa kampu ne’ebe aprezenta ba FIFA mak atu hadia kampu rua, FFTL no Stadium Munisipal Dili ne’e deit halo uluk Sentral nian depois hotu mak halo fali kampu rejional nian no ne’ebe tempu badak sei koalia konstrusaun kampu FFTL hodi hadia no Stadium sei halo karta arendamentu ba governu hodi hadia tanba FIFA hakarak kampu diak iha Timor -Leste.
Nia explika, Kompetisaun Asia la’o hela de’it ne’ebé FIFA preparadu ajuda finanseiru harii kampu iha Timor Leste, sira mós fo advice barak mai federesaun no sira fo parabéns ba estrutura foun ne’ebé foin re-eleitu sira apoiu masimu nafatin mai Timor-Leste ba finanseiru nian ba atividade federasaun nian.
Sekretariu jeral ne’e arugumenta, planu hotu husi federasaun depois halo programa manda proposta ba FIFA no finansial suporta ba klube sira iha tinan sira aprezenta hotu tanba federasaun hetan apoiu 100% husi FIFA, AFC no AFF la iha sponsor seluk.
FIFA apoiu nafatin finansial ba federasaun maibé atu aumenta ka hamenus ne’e depende sira fo mai federesaun tanba Timor-leste iha liga feto, Mane ho futsal no mos grassroot ne’ebe tenki fahe hanesan ne’ebe la’o buat ne’ebe sira fo no federasaun iha tanba Timor-leste sponsor menus ne’ebe FIFA mos rekomenda hela mai federesaun atu servisu ho diak.
ADS
