Dili – Sekretáriu Jerál Federsaun Futebool Timor-Leste (FFTL) Grigorio Correia, informa, Partisipasaun Selesaun Nasional Futsal Timor Leste iha jogu Internsional hahú iha ona progresu di’ak kompara ho tinan uluk.
Hafoin partispa iha AFF Futsal Championsip 2022, no Maske Ekipa Selesaun Nasional Futsal Timor Leste, fila ho liman mamuk husi jogu tolu ne’ebé mak sira hala’o no hetan derota hotu maibé tuir Sekretáriu jerál Federsaun Futebool Timor-Leste (FFTL) Grigorio Correia Futsal hahú iha ona progresu di’ak.
“Progresu ba ita nia partisipasaun iha AFF Futsal Championship 2022 ne’e avansa oituan tanba tinan hirak liu ba ita hetan derrota ho golu ne’ebé barak maibé agora ne’e progresu sa’e tanba ita iha pra liga ne’ebé ba oin ita hadi’a tékniku, sistema no kondisaun kampu para ita ba ne’e kompete.
Nia dehan, sira sei hadi’a frakeza sira ne’e no ba oin tenke hadi’a kampu tanba kampu agora outdoor joga iha loron manas la’ós indoor maibé sira iha problema rai ba kampu ne’ebé sei kolabora ho governu, jogadór sira tenke treinu nafatin no tinan ne’e tenke halo liga Futsal hodi hetan jogadór kualidade.
kompetisaun AFF futsal ne’e iha nafatin kada tinan no jogadór sira deside sai jogadór futsal labele kahur malu ho futeból para bele ba manan para labele hetan golu barak sekretáriu jerál dehan
Iha fatin hanesan Treinador selesaun Nasional Futsal Jorge Fernandes relata partisipasaun Timor Leste hahú di’ak iha eventu internasional tanba iha jogu AFF Futsal Championsip sira luta duni ne’ebé partisipasaun ne’e di’ak ona kompara ho tinan uluk
“Ita nia partisipasaun diak iha eventu ne’e, ita luta no kompete duni ne’ebé partisipasaun ida ne’e diak oituan kompara ho tinan uluk tanba progresu sa’e oituan ne’ebé ami satisfás no kontente maski lakon tanba hasoru selesaun sira ne’ebé iha oportunidade atu partisipa kopa mundiál futsal nian ne’ebé sira iha nivel as futsal nian hanesan Australia, Vietnam no Myanmar” dehan Treinador Jorge Fernandes.
Jorge informa, Agora Timor-Leste seidauk iha liga professional karik hala’o liga professional ne’e mekanizmu barak ne’ebé ajuda forma jogadór sira para iha jogadór kualidade ne’ebé federasaun mós bele kontinua preparasaun di’ak liu ba jogadór selesaun sira no agradese ba federasaun no estrutura ne’ebé fó fiar ona ba sira.
Nune’e mós Kapitaun selesaun nasionál futsal Timor-Leste José Mata Lopes dehan, derrota tanba hasoru nasaun ne’ebé nivel futsal dezenvolve as tebes no jogador sira kuaze joga iha Europa
“ Ita hotu hatene ami derrota hotu ba jogu tolu tanba ita hatene katak nasaun tolu ne’ebé ami pool ho sira nasaun ne’ebé nia dezenvolvimentu futsal as tebes ho rezultadu ne’ebé mak iha ami satisfás oituan mezmu sira kontra jogadór sira ne’ebé joga iha europa maibé ami konsege hasoru sira ho esforsu tomak no husu ba adeptu sira hatene katak esforsu ne’ebé mak ami halo la fó satisfás ba imi hotu tanba ekipa ne’e ami hasoru ekipa ne’ebé diak tebes iha Ázia ne’e” kapitaun hateten
Enteretantu iha jogu AFF Futsal Championsip ne’e Timor Leste iha pool B hamutuk ho Austrália Vietname no Myanmar iha Jogu refere Timor-Leste simu derota hotu
ADS
