spot_imgspot_imgspot_imgspot_img
spot_imgspot_imgspot_imgspot_img
More

    Estrutura Boavista, husu Ramos Horta atu abertura eventu ‘Boavista Cup’

    Dili – Tempu badak Klubu Boavista Fc de Timor, sei realiza eventu Boavista Cup, ho nune’e estrutura klubu husi klubu refere husu ba José Ramos Horta ne’ebé mak hanesan prezidente klubu Boavista Fc, atu halo abertura ba eventu refere.

    Tuir orariu klubu istimadu ho naran Panteras Negras ne’e sei realiza eventu Boavista Cup ne’e iha Munisípiu Covalima no sei abertura iha loron 30 fulan ne’e no sei termina iha loron 5 fulan junu 2022. Ho nune’e estrutura klubu Boavista ba hasoru malu ho prezidente klubu no konvida prezidente klubu José Ramos Horta atu halo abertura ba eventu refere.

    Ohin  ita lori hela konvite mai fó ba prezidente Boavista Clube de Timor José Manuel Ramos Horta ne’ebé hanesan mós eleitu prezidente Repúblika  Demokratiku Timor-Leste (RDTL)  tanba klube atu realiza Boavista Cup iha Suai ne’ebé konvida hela prezidente para atu ba halo abertura jogu refere” dehan, sekretáriu jerál klubu Boavista Fc, Sérgio Campos dos Santos ba Jornalista sira iha farol tersa (26/04).

    Sekretariu jeral ne’e hatutan, sira la’ós hili de’it munisipiu ida maibé sei hahú husi Munisípiu Covalima uluk depois mak realiza iha munisipiu sira seluk tanba hakarak anima joven sira liu husi atividade desportu sira.

    Ohin orariu ne’ebé fo prezidente, Nia Ramos Horta nia sei partisipa hodi halo abertura ba jogu ne’e maibé karik iha failansu ruma prezidente informa fila fali maibé ohin hasoru malu nia dehan posibilidade partisipa abertu ne’e” tenik nia

    Nune’e mós Prezidente klubu Boavista Fc de Timor, José Manuel Ramos Horta, relata, klube Boavista iha inisiativu sei realiza Boavista Cup iha Covalima ne’ebé sei partisipa husi klube 16 mai husi suku sia husi postu administrativu Sua Villa, Maucatar no Tilomar ne’ebé hanesan atividade inisiu ba klube ne’e rasik no sei kontinua iha munisipiu hotu iha teritoriu Timor-Leste laran tomak.

    Inisiativa husi klube Boavista Clube de Timor nian iha Covalima durante fulan ida nia laran atu halo atividade ho klube lubuk ida iha Covalima konvida ha’u atu ba ne’ebé hau iha prinsipiu ba para aproveita agradese ba povu Covalima nia apoiu maibé ha’u seidauk konfirma 100% atu ba depende ha’u nia konprimisiu iha semana ikus ne’e” Prezidente Boavista Fc Clube de Timor Jose Ramos Horta.

    Enteretantu eventu refere klube Boavista hala’o ba dahuluk, no totál klubu ne’ebe sei partisipa Boavista Cup iha Covalima hamutuk 16 mai husi suku 8 husi postu administrativu tolu Suai Villa, Maucatar ho Tilomar.

    Totál Orsamentu ba eventu Boavista Cup ne’e hamutuk 3.000 fundus  refere mai husi klube rasik.

    ADS

    spot_imgspot_imgspot_imgspot_img
    JHD Admin
    JHD Adminhttps://jhdtimor.com/
    Juventude Hadomi Desportu
    spot_imgspot_imgspot_imgspot_img

    Latest articles

    spot_imgspot_imgspot_imgspot_img

    Related articles

    Leave a reply

    Please enter your comment!
    Please enter your name here

    spot_imgspot_imgspot_imgspot_img