DILI – molok atu ba kompete iha jogu Sea Games, Hanoi, Vietnam, Federasaun Taekwondo Timor-Leste (FTTL) lori atleta nasional, ba hala’o jogu tryout iha Kupang Nusa Tengara Timur (NTT) hodi perpara esperiénsia ne’ebé di’ak liu tan nune’e bele hatudu rezultadu di’ak iha Sea Games.
ohin loron loron 26 Abríl FTTL lori atleta nasional desloka ba Kupang-NTT hodi halo tryout ho atleta Kupang-NTT nian no sei fila iha loron 29 ka 30 fulan abril 2022 ne’ebe sira lori atleta nain neen, feto tolu no mane tolu ne’ebe mak federasaun prepara hela b partisipa Sea Games iha Vietnam.
“Ami haree atleta nasional sira halo preparasaun ba Sea Games iha Vietnam sira prepara ona fulan lubuk ida nia laran sira presiza esperensia tanba ne’e ami hamutuk ho Embaixada Korea iha Timor-Leste ne’ebe halo ligasaun ho PBTI (Pengurus Besar Taekwondo Indonesia) hodi lori atleta nasional sira tryout hasoru atleta sira iha Kupang-NTT hodi nune’e atleta sira bele hetan esperensia oituan hodi ba partisipa iha Sea Games tinan ne’e“, prezidente FTTL Gabriel da Costa ba jornalista sira iha Jinaziu Díli tersa (26/04).
Tuir nia, atleta sira ba tryout iha Kupang-NTT ne’e di’ak tanba hasoru atleta sira iha ne’ebá mós preparadu, sira mós atleta hotu tuir klase ne’ebé agora federasaun prepara ne’e maibé hein katak tryout ne’e hanesan espasu ida para bele hetan rezultadu di’ak iha Sea Games tinan ne’e.
Gabriel hatete, apoiu finanseiru ba tryout ne’e mak husi Embaixada Korea iha Timor-Leste mak apoiu hotu kona ba viazen no akomdasaun durante iha Kupang-NTT ne’e embaixada mak responsabilidade hotu
Nia dehan, Embaixada Korea apoiu mai federasaun tanba durante halo preparasaun ba Sea Games no sira planu atu ba tryout iha Malaysia ka Australia maibé tenki presiza orsamentu ne’ebé boot entaun sira husu Embaixada Korea atu apoiu ba tryout iha Kupang-NTT.
Enteretantu tinan FTTL sei partisipa iha jogu Sea Games Hanoi, Vietname, ho Atleta nian 6 kompostu husi mane 3 no feto 3.
Jogu Sea Games Hanoi Vietname ne’e sei partisipa husi nasaun 11 hanesan Brunei Darusalam, Indonézia, Malaysia, Myanmar, Cambodia, Laos, Filipina, Singapure, Tailandia, Vietname no Timor Leste
Timor Leste rasik sei partisipa ho modalodade 7 mak hanesan, Modalidade Taikondow, Natasaun, Boxe, Atletismu, Karate-do, foti besi no Futebool.
Tuir orariu jogu Sudeste Aziatiku ( Sea Games sigla ingles) ba dala 31 tinan 2021, ne’ebé sei realiza iha Hanoi, Vietname, ne’e sei hahú iha loron 12 to’o 23 Maiu 2022.
ADS
