Dili – Relasiona ho Kopa Mundiál ne’ebé atu mai vizita Timor Leste, iha fulan Juñu tinan ne’e, ho nune’e Prezidente Federsaun Futebool Timor-Leste (FFTL), Francisco Jerónimo hasoru malu ho Prezidente Repúblika eleitu, José Ramos Horta, atu tau vizita Kopa Mundiál ne’e ba ajenda, no labele viajen ba rai li’ur, ou programa seluk hodi simu vizita Kopa Mundiál ne’e.
“Ohin ami mai enkontru ho PR eleitu 2022-2027 José Manuel Ramos Horta katak iha loron 11 fulan junu tinan ne’e FIFA sei lori tasa kopa mundial mai Timor-Leste atu nune’e nia tau ba ajenda tanba tuir FIFA tasa mai Timor-Leste ne’e Prezidente Timor-Leste mak bele Kaer ne’ebe ohin ami informa ba nia labele halo viazen ba raí liur iha tempu ne’eba hodi bele simu tasa ne’e“, dehan prezidente FFTL Francisco Jerónimo ba jornalista sira iha gabinete eis-titulár Farol, Horta, kuarta (27/04).
Francisco informa, preparasaun ba simu tasa ne’e Federasaun Futebol Timor-Leste (FFTL) organiza hamutuk ho Sekretariu Estadu Juventude Desportu (SEJD) maibe entidade ne’ebé importante liu mak prezidente Repúblika Demokratiku Timor-Leste (RDTL) tan ne’e ohin mai hasoru prezidente eleitu 2022-2027 mezmu seidauk simu tomada pose para tau nia ajenda para bele simu tasa ne’ebé sei mai iha fulan junu.
Nia esplika, tasa kopa mundial ne’e tuir orariu sei to’o iha Timor-Leste iha loron 11 fulan junu 2022 iha oras 11:30 otl iha Aeroportu Nicolau Lobato depois lori mai palasiu presidensial tuku 13:00 otl tasa lori ba Estadium Munisipal Dili para komunidade sira bele ba haree to’o 15:30 depois aviaun tula fila fali ba nasaun balun iha pasifiku.
Iha sorumutu entre prezidente FFTL ho Prezidente Repúblika (PR) eleitu ne’e akompanha husi atual sekretáriu jerál Federsaun Futebool Timor-Leste (FFTL), Grigorio Correia
Enteretantu Kopa mundial tinan ida ne’e sei hala’o iha Qatar ne’ebe sei partisipa husi nasaun 32 husi kontinente Europa, Azia, America no Afrika ne’ebe sei hala’o iha fulan outubrua ate novembru tinan ne’e.
ADS
