DILI – Tinan ne’e, Selesaun Nasionál Sub -16 no Sub-17 sei partispa iha eventu internasional rua, iha AFF U-16 Championsip iha Surabaya, Indonézia, no kualifiksaun AFC U-17 ba tinan oin iha Bahrain.
Kestaun ne’e hato’o husi adjuntu sekretáriu jerál Federsaun Futebool Timor-Leste (FFTL), Federico Martins ba jornalista sira iha nia knaar fatin Bairro Formosa, Díli, kinta, (28/04).
Nia dehan, tinan ne’e FFTL sei lori ekipa selesaun nasionál sub-16 tuir kompetisaun iha AFF U-16 Championsip no kualifiksaun AFC U-17 iha Bahrain.
“Tinan ida ne’e ita sei lori selesaun nasional U-16 tuir kompetisaun rua, AFF U-16 Championship ne’ebé sei hala’o iha Surabaya, Indonesia iha fulan jullu to’o agostu no kualifikasaun AFC U-17 ba tinan oin iha Bahrain maibé jogu kualifikasaun rasik sei hala’o iha fulan setembru maibé fatin ba faze kualifikasaun iha tempu badak AFC sei anunsiu mai ami tanba nasaun barak iha Azia parte Leste, oeste, sul no norte hakarak sai uma nain hotu“, adjuntu sekretariu jeral FFTL Frederico Martins ba jornalista sira iha nia knaar fatin Bairro Formosa, Díli kinta (28/04).
Kona-ba kompetisaun AFF U-16 Championship ne’e sei hala’o iha fulan jullu to’o agostu tan Selesaun nasional U-16 sei ba training Camp iha semana ikus fulan junu nian.
Nia relata, ekipa U16 nia prepasaun durante ne’e seidauk masimu foin hahú fó alimentasaun ba sira karik preparasaun masimu tenke tau sira iha fatin konsentrasaun, no tuir kondisaun nasaun nian labele hein to’o fasilidade kompletu mak halo preparasaun ba ekipa selesaun nasional U-16 ho fasilidade minimu tenta para halo preparasaun ba fasilidade di’ak kompetetivu atu nune’e ba kompete la’ós partisipa iha kualker kompetisaun.
Nia esplika, treinador mister Kim mak kaer selesaun nasional nia rasik sempre ba halo negosisaun ho nia nasaun rasik atu nune’e jogador sira ba halo try out iha Korea, nia agora ba ona Korea. Hein Master Kim fila mai bele iha rezultadu di’ak para selesaun nasional ba training Camp iha Korea hodi halo preparasaun di’ak durante fulan ida ka rua antes ba tuir kompetisaun AFF U-16 Championship iha Surabaya.
hafoin ida ne’e hein katak nia bele ba halo negosisaun nafatin ho federasaun Korea para selesaun nasional U-16 nafatin ba training Camp iha ne’ebá durante fulan ida antes ba tuir kompetisaun kualifikasaun AFC U-17 ida ne’e hanesan faze importante hamosu jogador foun liu husi selesaun U-16 rasik atu nune’e sira hetan tekniku no kualidade hodi fiar katak iha kompetisaun rua ne’e sira bele hatudu performa di’ak.
Iha fatin hanesan assistente treinador selesaun nasional U-16 Efrem Jerónimo dehan, selesaun nasional U-16 sira preparasaun di’ak ne’ebé la’o fulan lubuk ona tanba federasaun mós suporta masimu maibé seidauk halo selesaun final tanba treinador Mister Kim sei ba rai li’ur ne’ebé agora jogador hamutuk nain-35 mak tuir hela preparasaun no sira iha planu atu ba training Camp iha rai liur.
“Ita nia selesaun nasional U-16 preparasaun di’ak ne’ebé la’o fulan lubuk ona tanba federasaun mós suporta masimu maibé seidauk halo selesaun final tanba ami treinador mister Kim sei ba rai li’ur ne’ebé agora jogador hamutuk nain-35 mak tuir hela preparasaun no ami nia treinador iha planu atu ba training Camp iha rai liur” tenik nia
ADS
