DILI – Atleta Selesaun Nasionál Federsaun Atletismu, Rubia F. Martins, hatete, sira fiar aan hodi kompete iha eventu Sea Games, iha Hanoi Vietname, maske la promete atu hetan medaila Maibé Objetivu ne’e mak atu hetan medaila iha Kompetisaun.
Tuir nia, atleta nia objetivu mak hetan medalla maibé sei iha nakukun ne’ebe la promete maibé sira sei esforsu iha eventu ne’e no garante tanba sira mós perparadu ne’ebé sei haree iha rezultadu kompetisaun.
“Ami nu’udar atleta ami objetivu mak hetan medalla ne’e maibe sei iha nakukun laran ne’ebe ami labele promete maibé sei esforsu iha eventu ne’e no garante tanba ami fiar an, ami mós treinu ne’ebé sei haree iha rezultadu kompetisaun“, dehan atleta selesaun nasional atletizmu Rubia F. Martins, ba jornalista sira iha fatin treinamentu Stadium Munisipal Dili sesta (29/04).
Rubia hatutan, sira sente kontente ne’ebé sira sei partisipa ho atleta nain haat ho treinador ida iha eventu Sea Games ne’e.
Konba orariu treinu no alimentasaun, fatin deskansa no regra sira mós nia dehan buat hotu la’o ho di’ak no sufisiente hotu.
Iha fatin hanesan, Atleta, Felisberto de Deus, Salienta, sira iha preparasaun né’ebe di’ak ne’ebé sira sei hatudu rezultadu di’ak iha Sea Games Vietnam tanba ida ne’e mak sira nia objetivu kompete iha eventu ne’e.
“Ami nain haat ne’ebe atu ba partisipa Sea Games iha Vietnam preparadu ona no kondisaun di’ak hakarak atu lori medalla mai Timor-Leste maibé sei iha nakukun Laran hela maibé ami esforsu makaas tuir orariu treinu ne’ebé iha hodi hatudu talentu di’ak iha Sea Games” tenik Felisberto
Nune’e mós prezidente Confederação Desporto Timor-leste (CDTL sigla portuges) Macario F. Sanches, informa, federasaun Atletismu naftin aprezenta relatoriu treinu ba konfederasaun katak sira iha ona rekor maibé labele hasai ba publiku se lae nasaun vizinu sira bele hatene atleta sira nia potensia no sira akompana nafatin atleta sira nia prepasaun.
“Ita haree nafatin ita nia atleta sira husi modalidade atletizmu para sukat sira nia kapasidade tanba durante relatoriu treinu ne’ebe federasaun aprezenta mai ami katak sira iha ona mudansa ba sira nia rekor maibe segredu ita labele hasai ba publiku para atu nune’e nasaun labele hatene atleta nia kondisaun tanba tama ona media sosial nasaun vizinu Indonesia, Malaysia no singapura bele hatene ona atleta sira nia potensia” Macario hateten
ADS
