DILI – Klubu Juvenil hamautuk 12 Prontu ona atu kompete iha tasa Futsal Juvenil sub-14 epoka 2022.
Sabadu (30/04) foin lalais ne’e Asosiasaun Futsal Timor-Leste (AFTL) halo ona teknikal meeting ba Kompetisaun tasa Futsal Juvenil sub-14
Iha teknikal meeting ne’e ekipa Futebool salaun hamautuk 12 ne’ebé atu kompete iha tasa Futsal ne’e hotu hotu hatudu jersei home no away, hofoin ida ne’e dada kedas sorteu no husi klubu 12 ne’e fahe ba
Liu husi teknikal meeting ne’ebé mak klubu 12 hamautuk ho AFTL deside sei hala’o gladi iha kinta feira loron 05 Maiu no sei abertura iha sexta loron 6 no jogu abertura ne’e sei loke husi klubu Atletiku Ailok Laran kontra Relay Laleia Fc, iha kampu Futsal Habibie.
Jogu refere sei hala’o de’it ho setengah kompetisi husi pool A, B, C no D no husi pool 4 ne’e sei elimina de’it ekipa ida ida no klubu rua mak sei hakat ba 8 Finais depois ba meus Finais depois ba Final.
“Klubu hamautuk 12 mak sei kompete iha tasa AFTL no klubu Atletiku Ailok Laran ho Relay Laleia Fc mak sei abertura iha kampu Futsal BJ Habibie” dehan sekretáriu jerál AFTL Fernando Batista ba JHD iha nia knaar fatin Formoza Dili tersa (03/05).
Nia dehan, kona-ba orsamentu ba Kampeaun ne’e AFTL submete ona karta ba FFTL no orsamentu Federsaun aprova ona maibé seidauk transfere ba konta AFTL.
Klubu 12 ne’e mak Boa Sorte Fc, Becusse United, Fiel, B’tal, Academica Fc, As Jerman, Maudoko Fc, Crazy Horse, bas, Atletiku Ailok Laran, Waesel Fc, no Relay Laleia Fc
CharllY Junior
