Dili – Tasa AFTL Futsal sub-14, ne’ebé mak organiza husi Asosiasaun Futsal Timor-Leste (AFTL), iha kampu Futsal Habibie, Bidau Dili, segunda lokraik ne’e, ekipa Fiel susesu halakon nia ekipa adversariu Waesel Fc ho score mihis 3-2
Iha inisiu jogu ekipa rua hotu hotu hatudu jogu furak iha kampu hodi atrai adeptus hadomi Futsal ne’ebé asiste jogu refere liu husi sira tátika.
Maibé tama ba iha minutu 2 sorti di’ak monu ba ekipa Fitun Estudante hodi fura uluk rede Waesel Fc, liu husi jogador, Donaldo, hodi hatuur score ba 1-0.
Ho score 1-0 ne’e halo jogu sai manás liu tan ho ritmu jogu ne’ebé aas, maibé alvu sutu barak ne’ebé lansa husi ekipa Waesel Fc seidauk kona iha alvu, no tama ba iha minutu 5 ekipa Fitun Estudante, aumenta tan golu ida liu husi jogador Jerri Melky, ho núne’e score muda aan ba 2-0.
Maibé score 2-0 ne’e la dura too tempu naruk hafoin Ramos da Silva responde kedas golu ida iha minutu 6 hodi hamihis score ba 2-1.
No tama ba iha minutu 9 Waesel Fc marka tan golu ida hodi halo empata score ba 2-2 liu husi jogador Jefriano Batista.
Ho score refere jogu kontinua manas liu tan ho nune’e tama ba iha minutu 13 fitun Estudante marka tan golu ida hodi hatuur score ba 3-2 to’o termina jogu primeira parte.
Kontinua ba jogu segunda parte ekipa Waesel Fc ne’ebé tun ho ambisaun aas hodi halo empata ba score maibé defeza husi Fitun Estudante la fó fatin ba Waesel hodi marka golu to’o termina jogu segunda parte vitória ba fitun Estudante.
Hafoin remata jogu asisten Treinador Fitun Estudante, Damasio da Conceicao Soares, hatete, nia parte Agradese ba nia ekipa tanba ho esforsu ona bele manán iha jogu refere.
“Jogu tuir mai ami sei perpara ami nia ekipa ho di’ak núne’e bele hakat ba faze tuir mai” nia tenik
Iha fatin hanesan Treinador Waesel Fc, Henrique Osorio da Silva Xavier, informa, sira nia ekipa faila iha komunikasaun núne’e sira derota.
“Derota ne’e sai hanesan materia ida mai ami nune’e ami bele hadia di’ak liu tan iha jogu tuir mai para ami bele hakat ba 8 finais” tenik nia
Enkuantu Husi rezultadu vitória ne’ebé ekipa fitun Estudante hetan lori sira hakat ba 8 finais hanesan juara pool (C) ho pontus 6 husi joga dala rua manán hotu
Enkuantu derota ne’e hatuur Waesel Fc iha segunda klasifikasaun ho pontus 0 hanesan ho B’tal ne’ebé okupa iha terseiru klasifikasaun ho pontus 0.
DVO
