Dili — La simu Atletas kontijente Timor Leste, ne’ebé mak fila husi Sea Games ho medaila 5 iha airaportu Internasional Nicolau Lobato, Sekretáriu Estadu Joventude no Desportu (SEJD) Abrao Nokosiku Saldanha husu deskulpa ba atletas sira.
Relasiona ho Atletas kontijentes Timor Leste ne’ebé mak fila ona mai Timor ho medaila 5 iha loron 25 Maiu ne’e Sekretariu Estadu Juventude no Desportu (SEJD), Abrao Nokosiku Saldanha fila kotuk ba Baucau, tanba iha atividade balun.
Abrao haktuir, la’ós fila kotuk ba atleta sira maibé tanba iha ajenda balu mak iha Munisípiu Baucau, tanba ne’e SEJD ba Munisípiu Baucau.
“Ha’u hakarak Agradese ba vise Ministru ne’ebé mak hamautuk ho CDTL simu ita nia atleta ho dignidade ha’u husu deskulpa ba atletas sira tanba iha ajenda ida, ha’u la fila kotuk ba ita boot sira governu vise Ministru boot liu ha’u” dehan SEJD Abrao liu husi nia diskursu iha Hotel Coffeto Restorante, Becari-Metiaut Dili sabadu (27/05).
Entretantu tinan ne’e Timor-Leste partispa iha jogu Sea Games, ho Modalidade 7 mak iha Taekwondo, Natasaun, Boxe, Atletismu, Karate-do Halterofelismu no Futebool.
Iha eventu internasional ne’e Timor Leste konsege konkista Medaila osan mutin 5 kompostu husi medaila osan mutin 3 no osan metan 2
Medaila hirak ne’e oferese husi Atleta lutador Felisberto de Deus, husi Modalidade Atletizmu oferese medaila osan mutin 2 no Delio Anzaqeci Mouzinho, husi Modalidade Boxe oferese medaila osan mutin 1 no mós José Barreto Quintas husi Modalidade Boxe oferese medaila osan metan 1 no Santina Adelaide de Sousa husi Modalidade Taikondow oferese medaila osan metan 1.
Aleinde de ida ne’e governu mós oferese ona premiu ba manán na’in medaila sira hodi valoriza sira nia kontribuisaun ne’ebé mak hamorin ona Timor Leste nia naran iha Sea Games.
Charlly Junior
