DILI — Joven barak iha talentu liu liu iha area Desportu Futebool no Futsal, Empreza Pertamina Internsional iha Timor Leste, hakarak sai patrosinador ba atividade desportivu núne’e joven sira bele hatudu sira nia talentu.
Empreza husi nasaun vizinu Indonézia ne’e, aleinde hala’o negósiu iha Timor, sira mós hakarak hola parte iha área seluk liuliu ba apoiu Modalidade Desportu ne’ebé daudaun ne’e sira hatudu.
“Ami husi pertamina sempre suporta Federasaun, tanba eventu Futebool lori talentu foun ba Timor Leste, ami suporta para atu iha Kompetisaun hanesan ne’e barak liu tan no ami prontu suporta” dehan reprezante pertamina Internsional Timor, Rudolfo Sinambela ba JHD iha kampu Futsal BJ Habibie, sabadu (28/05).
Rudolfo informa, iha Kompetisaun jogu juvenil sub-14 ne’e pertamina Internsional apoiu fundus hamautuk $2.000
“Kona-ba osan ami relativ maibé ba Eventu ne’e ami apoiu $2.000 dólar” katak Rudolfo.
Reprezentante Pertamina International ne’e haktuir, Pertamina Internasional Prontu nafatin hodi apoiu atividade desportivu iha futuru tanba atividade ne’e envolve Joventude barak.
“Ba futuru ami sei kontinua suporta ba dezenvolvimentu joven Timor Leste ne’e ami sempre suporta ne’e mak komitmentu husi pertamina” Rudolfo tenik.
Nia dehan, sira hakarak suporta atividade sira ne’e tanba kompetisaun ne’e di’ak, tanba ne’e ba foin sa’e Timoroan ne’e maioria ne’e joven tanba ne’e mak hakarak apoiu jerasaun foun sira
Enkuantu eventu ne’ebé mak organiza husi Asosiasaun Futsal Timor-Leste (AFTL) ne’e partisipasaun klubu 12
CharllY Junior
