spot_imgspot_imgspot_imgspot_img
spot_imgspot_imgspot_imgspot_img
More

    Melisa: CDTL Triste Federasaun sira hala’o serbisu administrasaun iha “Rai-Rahun”

    DILI- Konfederasaun Desportu Timor Leste (CDTL), sente triste tanba kondisaun Sede administrasaun ba Federasaun sira la favoravel, no kontinua hala’o serbisu iha “rai-rahun” laran.

    Maske kada tinan Federsaun desportivu sira sempre hamorin Timor Leste nia naran iha rai li’ur liu husi prestasaun ne’ebé mak atleta lutador sira hatudu liu husi Federsaun ida-idak maibé realidade to’o ohin loron Federsaun sira ladauk iha kondisaun ne’ebé mak favoravel.

    Tuir Reprezentante Ekipa Departamentu Prestasaun i Bem Start Atleta CDTL, Melisa Vicente Sarmento hatete, liu husi Monitorizasaun ne’ebé mak ekipa CDTL halo komesa ona horiseik loron 30  fulan maiu, ba Federsaun 35 ne’e hodi haree kondisoens no servisu administrasaun ne’e CDTL nota Federsaun sira ne’ebé mak iha Koni kondisaun la ho dignu.

    Monitorizasaun neebe mak ami la’o komesa horiseik ami triste ituan tanba federasaun ne’ebé mak iha Koni laran la dun favoravel, tanba rai rahun I depois federasaun barak  mak okupa iha fatin nee, mais ami sei kopera di’ak ho governu hodi buka solusaun ida ne’e” tenik Melisa Vicente Sarmento ba jornalista sira iha,Edifisu CDTL, Dili Tersa (31/05/2022).

    Ami foin hasoru federasaun atletismu  no federasaun Karatedo, ne’ebé mak ami CDTL halo monitorizasaun ne’e mak atu haree kondisaun fasilidade federasaun sira nian no mos oinsa atu hatene  federasaun sira nia relatoriu wainhira sira simu subsidu  karik husi CDTL atu halo relatoriu” haktuir Melisa

    Iha sorin seluk, Sekretariu Jeral Karatedo, Anotonio Carlos Amaral, agaradese ba vizita husi CDTL ne’e ne’ebé mak hala’o ona Monitorizasaun ba Federsaun FEKATIL.

    Ami agradese tanba tinan barak ona ami labele hetan sira hanesan nee liu liu tinan ida nee CDTL bele halo monitorizasaun federasaun nian neebe mak eziste iha Timor durante tinan barak nia laran” tenik nia.

    Nia dehan sira nia kondisaun hanesan ita boot sira hare dadauk,maibe oras nee dadauk governu sei halo manutensaun ba ginaziu Dili  neebe la hatene bainhira mak fila fali ba Ginaziu Dili.

    Hatan ba preokupasaun Federasaun nian ne’e Sekretariu Estadu joventude no Desportu (SEJD), Abrao Saldanha, hatete, federasaun sira ne’ebé mak antes ne’e,  sira   nia edifisiu iha Ginaziu Desportu Dili  no muda provizoriu ba Salaun Koni, sei hare fali lai sira admnistrasaun sira la’o halo nusa tanba ginaziu  mos fatin ba atleta sira  atu troka no seluk tan, laos deit ba sekretariadu .

    Governu tenta buka tan fasilidade see orsamentu laos tinan ida nee,maibe tinan oin ami tenta atu aumenta tan dezenhu ruma pata atu hadia tan fatin balu atu bele ofrese sekretariadu ba federasaun sira.”dehan nia.

    CharllY Junior

    spot_imgspot_imgspot_imgspot_img
    JHD Admin
    JHD Adminhttps://jhdtimor.com/
    Juventude Hadomi Desportu
    spot_imgspot_imgspot_imgspot_img

    Latest articles

    spot_imgspot_imgspot_imgspot_img

    Related articles

    Leave a reply

    Please enter your comment!
    Please enter your name here

    spot_imgspot_imgspot_imgspot_img