spot_imgspot_imgspot_imgspot_img
spot_imgspot_imgspot_imgspot_img
More

    SEJD no FFTL Sei Kalkula Orsamentu 40.000 USD hodi Simu Trofeu Kopa Mundiál

    DILI — Governu liu husi Sekretáriu Estadu Joventude no Desportu (SEJD), hamutuk ho Federsaun Futebool Timor-Leste (FFTL) sei Kalkula Orsamentu kuaze 40.000,00 Mill USD hodi simu trofeu Kopa Mundiál ne’ebé mak sei vizita Timor Leste, iha fulan Juñu tinan ne’e.

    Trofeu Kopa Mundiál ne’e sei vizita Timor Leste iha loron 11 fulan Juñu tinan ne’e, tanba ne’e governu ho FFTL, perpara hela komisaun konjunta entre governu ho Federsaun no dadaun ne’e sira perpara hela tanba governu ho Federsaun mak tenke responsabiliza Kustu hodi simu trofeu refere.

    Sira sei halo hela Kalkulu entre 30 ate 40 Mill, Primeiru sira simu uluk 30 Mill maibé sira dehan sei falta Kustu balu ne’ebé tenke kobre entaun sira sei halo hela entre 30 ate 40 tanba seidauk finaliza Kustu loloos” haktuir SEJD Abrao Nokosiku Saldanha ba Jornalista iha edifisiu SEJD tersa (31/05).

    Nia dehan, benifisiu husi vizita trofeu Kopa Mundiál ne’e mak bele promove Timor-Leste, iha mundu tanba Trofeu Kopa Mundiál ne’e sentru de atensaun bá media sira liu liu media Internsional tanba ne’e vizita trofeu ne’e mundu Internsional bele koñese Timor Leste.

    Aleinde promove Timor-Leste iha mundu Internsional, vizita trofeu ne’e  mós bele motiva di’ak liu tan Amantes Futebool sira oinsá atu dezenvolve Futebool di’ak liu tan iha futuru.

    Tuir orariu Trofeu Kopa Mundiál ne’e sei to’o iha Timor Leste iha loron 11 de Juñu.Trofeu ne’e to’o iha airaportu Nicolau Lobato iha 11 : 30 OTL.

    Depois lori kedas trofeu Kopa Mundiál ne’e ba Palacio Prezidente. Tanba Trofeu Kopa Mundiál ne’e sensetivu no prezidente Repúblika de’it mak bele kaer, hafoin ida ne’e kontinua kedas ba Estadion Munisipal Dili depois mak fila hikas hodi ba vizita ba nasaun seluk.

    Enteretantu Kopa Mundiál ne’ebé mak realiza kada tinan 4 dala ne’e antes ne’e realiza iha tinan 2018 iha Rúsia no Iha tinan 2022 ne’e nasaun Qatar mak sei sai uma na’in.

    Charlly Junior

    spot_imgspot_imgspot_imgspot_img
    JHD Admin
    JHD Adminhttps://jhdtimor.com/
    Juventude Hadomi Desportu
    spot_imgspot_imgspot_imgspot_img

    Latest articles

    spot_imgspot_imgspot_imgspot_img

    Related articles

    Leave a reply

    Please enter your comment!
    Please enter your name here

    spot_imgspot_imgspot_imgspot_img