DILI — Atu Dezemvolve setor Desportu iha Timor Leste, Konfederasaun Desportu Timor-Leste (CDTL sigla portugés), ne’ebé mak nu’udar mahon ba Federasaun desportivu sira, hakat liu Sekretáriu Estadu Joventude no Desportu (SEJD), hodi hasoru Primeiru Ministru, Taur Matan Ruak.
Konfederasaun Desportu Timor-Leste (CDTL), nu’udar orgaun independentemenete ne’ebé sai mahon ba Federsaun desportivu hotu iha Timor Leste.
Konfederasaun Desportu Timor-Leste rasik tutela ba iha Sekretáriu Estadu Joventude no Desportu (SEJD), maibé ohin CDTL hakat liu SEJD hodi ba direita Primeiru Ministru hodi relata dezenvolvimentu Desportu iha Timor Leste.
Hafoin remata sorumutu ho Primeiru Ministru Taur Matan Ruak iha rezidensia farol, prezidente CDTL, Macario Sanches, informa, objetivu husi enkotru ho PM Taur ne’e atu partila informasaun Desportu iha rai laran.
“Depois hetan toma pose ami deklara katak ami sei halo enkotru kortetejia ho líder Nasional sira no ba sira ne’ebé mak iha influénsia dezenvolvimentu Desportu nian tanba ne’e mak Ohin ami hetan primeiru Ministru atu mai partila informasaun kona-ba, dezenvolvimentu Desportu iha Timor Leste” informa, prezidente CDTL Macario Sanches ba Jornalista, iha rezisténsia ofisiál Farol Dili, tersa, (07/06).
“Ami mós esplika oituan kona-ba CDTL ne’e halo saida iha Timor Leste, ami explika ne’e PM kontente loos tanba ita iha fasilidade limitadu maibé ita iha ba prosesu balu ita bele konkretiza ne’ebé mak bele lori Bandeira Timor semo iha rai seluk ne’e hanesan rezultadu ke prova ona” nia tenik.
Macario esplika, Oinsá atu Mellor Desportu CDTL husu ba governu atu investe tan ba dezenvolvimentu Desportu iha Timor Leste ida ne’e mak CDTL fahe ba PM Taur.
“PM Taur mós husu Para CDTL iha planu ida ke iha estratéjia ida di’ak núne’e bele lori prestasaun di’ak ba Timor-Leste” tenik nia.
Nia Dehan, CDTL persija diskute bebeik ho SEJD núne’e bele hadia buat ne’ebé mak persija duni atu hadia núne’e lori prestasaun di’ak mai Timor Leste.
Núne’e Timor Leste bele orgulu ba iha kualidade di’ak para atu presta iha kampeonatu Nasional no rezional sira.
Charlly Junior
