DILI- Orgaun Liga Futebol Timor-Leste (LFTL), agradese ba PT. Badan Liga Indonesia Baru (LIB) tanba fo ona oportunidade ba orgaun Liga, hodi halao estudu komparativu konaba lalaok Liga domestika nian iha Indonesia hodi sai hanesan esperensia ba orgaun Liga implementa iha liga domestika Timor-Leste nian.
Orgaun LFTL nain tolu neebe mak hala,o estudu komparativu iha PT. Badan Liga Indonesia Baru (LIB) nee fila hikas ona mai Timor Leste iha loron 7 fulan junu 2022.
Membru neebe mak halao estudu komparativu nee mak Diretor Relasaun Publika, Diogo N. Fraga, Diretor Kompetisaun, Martinho Ribeiro, no Diretor Tekniku, Vital Saldanha.
Membru hirak nee halao estudu komparativu, iha Jakarta Indonezia, durante loron sanulu hahu husi loron 27 fulan maiu to’o loron 7 fulan junu 2022.
“Ami nain tolu reprezenta orgaun LFTL agradese ba ezekutivu no membru sira iha PT. Badan Liga Indonesia Baru (LIB) iha Jakarta tanba bele simu ami halo ona estudu komparativu ho diak kona ba tekniku ida ne’ebe presiza atu hadia iha ita nia liga Futebol iha Timor-Leste” Diretor Relasaun Publika LFTL Diogo N. Fraga ba jornalista sira liu husi konferénsia imprensa iha Stadiun Munisipal Dili kuarta, (8/06).
Nia haktuir, tanba kompetisaun domestika iha indonezia diferensia boot tebes ho liga domestika iha Timor tanba nee mak estudu komparativu ida hanesan bele sai bukae ida ba sira hodi hadia sistema jogu iha rai Lara.
Nia dehan, alende ba halo estudu komparativu iha Jakarta, membru LFTL nain 3 nee mos ba iha klube Persib Bandung, hodi hare’e establishmentu no dezenvolvimentu klube nian ne’ebe kompete iha Liga profesional Indonesia.
Nia informa, hare’e ba diferensia liga entre Indonesia ho Timor-Leste bele halo mudansa maibe nee depende esforsu badinas husi Federasaun, tanba orgaun liga no governu tuur hamutuk hodi dezenvolve liga Timorense
LFTL mos agradese ba eis jogador Indonésia Fahri Jimi Frances no Dwi Pradana ne’ebe joga iha Timor-leste, no suporta sira nia estudu komparativu iha Jakarta no ba futuru oin mai.
ADS
