DILI– Deputada Bankada FRETILIN, Helena Martins, Kestiona Desizaun Prezidente Federasaun Atletismu Timor-Leste ne’ebé mak Nomeia oan mane ba tuir formasaun ka bolsu estudu iha Portugal durante tinan 2 ho balu.
Kestaun hirak ne’e deputada Helena Martins Belo hato’o liu husi plenaria Parlamentu Nasionál segunda feira ne’e (27/06), hafoin rona preokupasaun publiku nian relasiona aktu Prezidente Federasaun Atletismu ne’ebé nomeia nia oan mane ba Portugal.
“Prezidente atletismo ninian ne’ebe inpede Fali Felisberto ne’ebe Lori Timor nia naran ba mundu atletismo ninian Ho di’ak maibe haruka fila Fali ninia oan rasik mak ba ida ne’e pena liu ba ita, tuir lolos ida ne’e labele akontese, ida ne’e mak ema bolu naran KKN ne’e, ne’ebe di’ak liu evita bu’at sira ne’e atu labele hamosu tan ida ne’e, tuir lolos ema ne’ebe ba ne’e mak merese atu ba laos haruka Fali ninia oan mak ba hetan Fali bolsu estudu iha Portugal ne’e la di’ak,” Deputada ne’e kestiona.
Antes ne’e Prezidente Federasaun Atletismu Afranio Xavier, deklara katak la haruka Felisberto ba ne’e nu’udár estratejia Federasaun nian, atu nia kontinua prepara ba kompetisaun internasional iha tinan ida ne’e no ba tinan oin.
Relasiona ho asuntu ne’e, atleta Atletismu Felisberto de Deus, hatete nia parte la partisipa iha scholarship tanba hala’o hela perparasaun atu kompete iha Asian University Games no mós Sea Games edisaun 32 iha fulan maiu tinan oin.
“Ha’u la partisipa iha scholarship ba iha Portugál ninia ho razaun tanba ha’u perpara ba Asian University Games, no mós ba Sea Games tinan oin” informa atelta Federsaun Atletismu Felisberto de Deus ba Jornalista sira iha Estadion Munisipal Dili segunda (27/06).
Felisberto fo Razaun nia labele partispa iha scholarship ne’e atu perpara maximu liu tan hodi bele kompete iha Asian University Games ne’ebé mak sei Realiza iha fulan Jullu tinan ne’e, iha Taliadia no mós Sea Games iha fulan Maiu tinan oin iha Cambodia ho razaun hira ne’e mak nia la bele ba tuir formasaun refere.
Nia explika, Antes ne’e Federsaun iha ona kordenasaun ho Felisberto mak haruka atleta Manuel Belo Amaral Ataide tanba nia mós iha prestasaun, tanba ne’e mak Federasaun fó oportunidade no la’ós dehan famíliarizmu, tanba Federsaun Atletismu la haree ba famíliarizmu.
Finanseira ba Bolsa estudu ne’e mai husi Olimpiku Solidadridade ho totál orsamentu 1.4 milloens atraveza hosi CONTL ba Federsaun desportivu 5 ; Taikondow Natasaun Badminton Halterofelismu no Atletismu, iha Timor Leste. Bolsa refere nu’udár preparasaun ba jogu Olimpiku 2024, iha París.
CharllY Junior
