Dili — Governu liu husi Sekretariu Estadu Juventude no Desportu (SEJD), sei buka fatin ba organizasaun Persaudaraan Setia Hati Terate (PSHT) hodi halo graduasaun ba nia membru sira iha Timor-Leste.
Embaixador Indonézia iha Timor Leste, Okto Dorinus Manik, hasoru malu Sekretariu Estadu Juventude no Desportu (SEJD)hodi diskute koperasaun iha área joventude no desportu.
iha enkotru ne’e parte rua diskute kazu espesifiku mak Relasiona ho graduasaun ba membru PSHT 9 Mill ital ne’ebé mak atu hala’o iha Timor Leste, ne’ebé mak atu Realiza iha fulan Agostu tinan ne’e, ho núne’e governu liu husi Sekretariu Estadu Juventude no Desportu komprometidu sei buka fatin no komunika ho autoridade seguransa núne’e bele halo seguransa.
“Perparasaun sira mak perpara governu disponibiliza fatin ho autoridade seguransa núne’e bele asegura sira nia atividade bele la’o ho paz no hakmatek” informa Sekretáriu Estadu Joventude no Desportu (SEJD) Abrao Saldanha ba Jornalista sira iha edifisiu SEJD Lecidere Dili Tersa (05/07).
Governante ne’e hatete, Konba fatin konsentrasaun atu halo pengesahan SEJD seidauk simu fatin detailu hosi organizasaun maibé organizasaun fó hatene ona ba SEJD kuaze 9 Mill ital entaun sei halo fatin konsentrasaun iha fatin 4 mak Dili, Baucau, Maliana no Manufahi maibé ne’e sei tenativa
Núne’e mós Embaixador Indonézia iha Timor Leste, Okto Dorinus Manik, afirma, Aniversariu pengesahan Persaudaraan Setia Hati Terate (PSHT), ne’e Realiza iha Timor núne’e la bele akontese buat ne’ebé ema hotu lakoi atu akontese nune’e di’ak ba Rai rua ne’e nune’e.
“Ba oin ita dalaruma iha eventu hanesan iha fronteira, tanba foin lalais ami halo ona Treinamentu ba treindora sira iha ne’e tanba ita haree potensia Timor Leste ne’e boot tebes oinsá Timor Leste iha Futebol Asia ba U19 no mós Taikondow makas iha Olimpiade , aleinde ne’e modalidade sira seluk iha ne’e mós maka’as tanba ne’e ha’u hanoin ita tenke Dezenvolve nafatin” informa Okto Dorinus.
CharllY Junior
