DILI – FFTL Manda ona subsidiu trimestre dahuluk no daruak nian, ho total orsamentu $84.000.00 ba Asosiasaun Futebol Munisipal.
Iha Tinan Ida ne’e FFTL atribui ona subsidiu trimestre dahuluk no daruak nian ba Kada Asosiasaun Futebol munisipal. ba trimestre datoluk no dahaat nian seidauk.
“Subsidiu ba asosiasaun sira husi trismetre rua husi janeiru to’o junu ne’e ami manda ona ba asosiasaun kada munisipiu ida-idak, kada fulan tolu ne’ebe ami manda dala rua ona no hela deit mak trimestre rua ikus nian, mak husi fulan jullu to’o dezembru mak ami seidauk manda” tenik Frederico
Lia hanesan hatoo husi Prezidente Asosiasaun Futebol Munisipiu Cova-Lima, katak ba trimestre dahuluk subsidiu ho montante $1.000 ba kada Fulan, no trimestre daruak ho montante $1.500 ba kada Fulan.
“Ami hetan ona subsidiu husi Federasaun husi fulan janeiru to’o marsu ami hetan orsamentu ho montante 1.000 USD kada fulan ba asosiasaun futebol munisipiu hotu no husi fulan abril ho maiu federasaun aumenta orsamentu subsidiu nian ne’ebe ami hetan orsamentu ho montante 1.500 USD kada fulan ba asosiasaun sira hotu hela fulan junu mak ami seidauk hetan tanba sei prosesu nia laran“, prezidente asosiasaun futebol munisipiu Covalima Augusto Henrique ba jornalista sira iha edifisiu FTTL Bairo Grilos , Díli segunda (4/07).
Prezidente hatutan, subsidiu sira utiliza ba aktividade grassroots iha munisipiu, ne’ebe asosiasaun sira hetan subsidiu no apoiu proposta husi federasaun, ne’ebe bainhira sira utiliza subsidiu mak orsamentu la to’o atu halo atividade ruma sira halo proposta tan ba federasaun no FFTL sempre prontu ajuda sira.
Ho nune’e FFTL atribui ona subsidiu Fulan 5 nian, ho montante $82.000 ba Asosiasaun Futebol Munisipiu 14 iha Timor – Leste. Asosiasaun Sira ne’e kompostu husi Asosiasaun Futebol Munisipiu Lautem, Baucau, Viqueque, Manatuto, Díli Leste, Díli Oeste, Aileu, Ainaro, Manufahi, Covalima, Ermera Liquisa no Bobonaro.
ADS
