spot_imgspot_imgspot_imgspot_img
spot_imgspot_imgspot_imgspot_img
More

    Lalenok United Fc rezigna an, Academica Fc husu ba Klubu ho FFTL tenki halo reflesaun

    Díli – Prezidente Academica Fc ho Assalam FC konsidera Lalenok United Fc nia rezignasaun nu’udár resultadu husi laiha koordenasaun entre FFTL ho Klube kona-bá tranferensia jogadór internasionál.

    Molok ne’e, klubu Lalenok United Fc rezigna an permanente husi Liga Futebol Timorense tanba la satisfas ho Federasaun pozisaun nakait ba problema ne’ebé klubu hasoru ho jogadór Internasionál, Italo Pimental Soares.

    Problema refere FIFA mak tesi hodi resulta sansaun bandu ba Klubu lalenok united Fc atu kontratu jogador foun, tantu nasionál no internasionál.

    Tan ne’e, Prezidente Academica Fc husu atu klubu ho FFTL halo reflesaun ba akontesimentu refere, hodi nune’e labele akontese tan iha future.

    Hanesan prezidente Academica FC sente triste  maibe klube Lalenok United FC tenki halo reflesaun nusa tenki akontese, ne’ebe klube nain tenke hatene jere klube ne’e no federasaun tenki haree nusa mak problema ne’e tenki akontese ba klube, tanba klube hotu-hotu federasaun nian, ne’ebe federasaun ho klube  luta hamutuk para labele akontese ba klube“, Gil da Conceição ba jornalista sira iha edifisiu FTTL Bairo Formosa, Díli kuarta (07/07).

    Gil husu, Liga Timorense  atu mai ne’e federesaun tenki  halo diskusaun hamutuk ho klube no governu atu nune’e servisu hamutuk, atu nune’e problema  mak Lalenok United FC hasoru labele akontese tan.

    Enkuantu, iha Prezidente Assalam nia matan konsidera problema ne’e bele akontese tan laiha koordenasaun diak entre FFTL ho Klubu kona-bá tranferensia jogadór Internasional tama mai Timor- Leste.

    Hau sujere ba ita nia federasaun, ne’e akontese tanba sira la iha koordenasaun ho klube tanba ita nia federasaun tenki iha informasaun kona-ba salariu standarte ba jogador estranjeiru sira atu nune’e ita nia federasaun hatene no servisu hamutuk ho federasaun husi nasaun jogador nian atu nune’e hatene jogador ne’e merese simu salariu boot iha Timor-Leste“, Ipolita hateten.

    Prezidente hatutan, federasaun  nu’udar regulador tenki hatene ida ne’e labele husik jogador estranjeiru mai hotu iha Timor-Leste la iha kunesimentu husi sira-nia federasaun, ne’ebe federasaun tenki aplika sertifikadu transferensia internasional (ITC singla ingles) ho federasaun husi nasaun ne’ebe jogador pertense ba no klube tenki hatama dokumentu jogador nian ba federasaun, sira labele haruka klube mak trata ITC ne’e.

    Lalenok United Fc liuhusi Prezidente Pedro Belo hato karta ofisial kona-ba sira-nia rezigna an permanente husi Liga Futebol Timorens iha loron 23 fulan juñu 2022.

    ADS

    spot_imgspot_imgspot_imgspot_img
    JHD Admin
    JHD Adminhttps://jhdtimor.com/
    Juventude Hadomi Desportu
    spot_imgspot_imgspot_imgspot_img

    Latest articles

    spot_imgspot_imgspot_imgspot_img

    Related articles

    Leave a reply

    Please enter your comment!
    Please enter your name here

    spot_imgspot_imgspot_imgspot_img