DILI-Durante ne’e Federasaun Taekwondo Timor Leste sempre dependensia de’it ba orsamentu hosi governu, tanba Sekretáriu Estadu Joventude no Desportu (SEJD), Abrao Saldanha, enkoraja Federasaun Taekwondo, tenke kreativu hodi buka rasik Osan hodi Dezenvolve Modalidade refere iha Timor Leste.
Federasaun Taekwondo Timor Leste (FTTL), nu’udar Federasaun prestasaun ne’ebé kada tinan sempre hatudu prestasaun liuliu iha eventu internasional hodi hamorin Timor Leste nia naran.
Maibé Federasaun refere mantein dependensia de’it ba orsamentu hosi parte governu, tanba ne’e Sekretariu Estadu Juventude no Desportu (SEJD), Abrao Saldanha enkoraja Federsaun Taikondow atu hatudu sira nia kreatividade hodi buka osan rasik núne’e labele dependensia hela de’it ba orsamentu hosi governu.
“Ita husu federasaun taekwondo ba oin liu tenki kreativu hodi buka osan rasik tanba fighting sport halo osan atu nune’e sira bele iha orsamentu rasik dezenvolve modalidade Taekwondo iha Timor-Leste no finansia rasik bainhira ba tuir eventu Taekwondo individual iha rai liur atu nune’e labele depende de’it ba orsamentu husi governu de’it halo kompetisaun eventual maibé halo atraksaun ruma liu husi ita nia federasaun nia kreatividade“, dehan SEJD Abrão Saldanha ba jornalista sira iha nia knaar fatin Lecidere, Díli kinta (07/07).
Sekretariu Estadu hatutan, desportu kombate ne’e halo osan tan ne’e federasaun tenki jere ida ne’e para federasaun bele hetan osan hosi federesaun rasik hodi finansia federasaun ba atividade saida de’it iha rai laran no rai liur govenu hodi halo kompetisaun eventual de’it tan ne’e federasaun taekwondo bele sai ezemplar ba federasaun sira seluk selae governu la apoiu osan federasaun sira la iha atividade ka kompetisaun.
Governante ne’e mós husu ba, federasaun taekwondo núne’e babel hadia organizasaun hodi jere federasaun hodi hetan fundu rasik no halo espansaun ka aumenta dojan sira iha munisipiu ba bairo no eskola tanba Timor-Leste iha potensial ba modalidade ne’e ba kompetisaun internasional maibe aumenta dojan iha munisipiu selae federasaun la iha prestasaun no dezenvolve diak tanba kada tinan la aumenta dojan seluk.
Iha fatin hanesan prezidente FTTL Gabriel da Costa hatete, ideia husi SEJD ne’e diak tebes mai federesaun ne’ebé sira sei esforsu ba ida ne’e para bele dezenvolve federesaun diak liu tan iha futuru tanba federasaun durante ne’e hetan apoiu husi orsamentu husi SEJD no espansaun dojan sira iha munisipiu ba bairo no eskola ne’e importante tebes ne’ebé mak durante sira halo ona maibe sei halo nafatin ba oin hodi dezenvolve modalidade ne’e ba futuru.
Prezidente hatutan, sira mos sei hadia sira nia estrutura federasaun nian hodi rezolve naksalak ne’ebé durante ne’e federasaun halo tanba ida importante tebes mos para federasaun bele diak liu tan iha futuru.
ADS
