DILI– Federasaun Taekwondo Timor Leste (FTTL), aproveita orsamentu governu nian hodi lalin atleta na’in 5 hodi partisipa Asian Taekwondo Championship ba da-60 no Korea Open ba da-39 iha Korea Sul.
Partisipasaun Modalidade Taekwondo nian ne’e nu’udar meus ida hodi hadia rekor hosi atleta sira nia hodi partispa iha Olimpiade Franca iha 2024. viajen hosi Modalidade Taekwondo nian ba partisipa iha Asian Taekwondo Championship no Korea Open iha Korea Sul ne’e finansia hosi governu liu hosi Sekretariu Estadu Juventude no Desportu (SEJD).
“Ohin hau simu delegasaun Taekwondo Timor-Leste ne’ebe semana kotuk ba partisipa Asian Taekwondo Championship ba da-60 no Korea Open ba da-39 iha Korea Sul ne’ebe eventu Asian Championship ne’e atu hadia atleta sira nia rekor para nune’e lori ba kualifikasaun ba olimpiade iha nasaun Fransa tinan 2024” informa Abrão Saldanha ba jornalista sira iha nia knaar fatin Lecidere, Díli kinta (07/07).
Atleta nain lima mak ba partisipa ne’ebe eventu rua ne’e ba dahuluk atleta husi modalidade Taekwondo Timor-Leste partisipa ne’ebe ohin sira aprezenta relatóriu sira aprende esperensia foun no sira nia rezultadu sira lakon poin iha sistema jogu (gamjom) ne’ebe foun ne’ebe sira seidauk adapta ho diak.
Governante afirma, dezenvolvimentu ba modalidade ne’e iha mundu sempre halo mudansa hela deit tanba ne’e Federsaun presiza atualizadu iha prosesu treinamentu hodi dezenvolve iha Timor-Leste no ajuda sira hanoin kona ba atualizadu teknika no regra iha modalidade ne’e rasik tanba planu ba oin governo parseria nafatin apoiu federasaun hodi dezenvolve modalidade.
Nia dehan, governu hakarak federasaun tenki halo expansaun iha modalidade ne’e tanba Timor-Leste iha potensial boot ba modalidade ne’ebe aumenta dojan sira treinu iha bairro no eskola hodi nune’e bele husu apoiu husi governu Korea atu nune’e bele ajuda dezenvolve liu tan modalidade ne’e iha Timor-Leste.
Iha Sorin seluk prezidente FTTL Gabriel da Costa hatete, tuir lolos atleta nain ida mak partisipa maibe tanba hetan orsamentu husi SEJD sira aumenta atleta sae ba nain lima hodi partisipa eventu sira ne’e
“tuir lolos ita atleta nain ida mak partisipa maibe tanba hetan orsamentu husi SEJD ita aumenta atleta sae ba nain lima hodi partisipa eventu rua Asian Taekwondo Championship no Korea Open iha Korea Sul ne’ebe ami lori atleta fighter nain haat no ponse nain ida ne’ebe iha Korea open atleta fighter mak tuir no Asian Taekwondo Championship nain lima tuir hotu” tenik Gabriel.
Prezidente informa, atleta partisipa eventu ne’e nia rezultadu mak atleta Ana da Costa hetan poin hadia rekor no ba dahuluk atleta sira partisipa ne’ebe atleta sira hetan esperensia barak tanba sistema fight iha modalidade sira troka foun hotu ne’ebe atleta sira lakon iha sistema jogu.
Iha Sorin seluk Atleta Ana da Costa dehan, partisipa eventu ne’e sira hetan esperensia barak tanba sistema muda ona.
“Partisipa eventu ne’e sira hetan esperensia barak tanba sistema muda ona ne’ebe Ita manan iha ronde dahuluk lakon iha ronde daruak ita kontinua ba ronde datoluk la hanesan bainbain ne’ebe sira lakon iha eventu ne’e mak lakon poin ba sistema jogu (gamjom)” Ana hateten.
ADS
