DILI– Relasiona ho performa ekipa Selesaun Nasionál sub-19, ne’ebé mak tun ho dramatiku iha jogu AFF U-19 Championship iha Indonesia ne’e, Diretor Tekniku Federasaun Futebool Timor-Leste (FFTL), Gaspar Quintao, hatete Timor Leste sofre derota dala rua tanba faila iha linha defensivu no guarda rede.
Iha jogu AFF U-19 ne’e Selesaun Nasionál sub-19 sofre ona derota dala rua, ekipa lafaek nurak ne’e derota uluk kontra Laos ho score 2-0, no derota bá daruak kontra Malaysia ho score 4-3.
“Selesaun Nasional U-19 hetan derrota dala rua iha kompetisaun AFF U-19 2022 tanba falla iha lina defeza ho guarda redi ne’ebe la halo komunikasaun di’ak” dehan Diretor Tekniku Federasaun Futebool Timor-Leste (FFTL), Gaspar Quintao ba Jornalista iha edifisiu FFTL.
Deretor tekniku ne’e afirma, try out ho ekipa seluk menus ho tempu ne’ebe badak tebes halo treinador difisil oinsa atu prepara ekipa hodi hatene di’ak ninia ekipa no problema ba federasaun mak la iha kompetisaun ba u-19 no fasilidade la sufisiente para prepara ekipa U-16 no U-18 ho diak ida ne’e mak falta ne’ebe durante ne’e federasaun enfrenta
Quintão informa, perfoma selesaun nasional U-19 iha parte defeza sai avaliasaun klaru tebes mai federesaun tanba maioria kada tinan prepara selesaun nasional sempre falla iha lina defeza ne’ebe federasaun ba oin sei esforsu hodi foku iha lina defeza hahu programa grassroot hodi fo treinu espesial ba defeza para ba futuru labele falla tan.
Enkuantu iha jogu AFF U-19 ne’e Selesaun Nasional Timor Leste, iha pool (B) hamatuk ho Nasaun haat seluk hanesan Laos, Malaysia, Cambodia, no Singapoore
Ho rezultadu derota dala rua no manán dala ida ne’e hatuur ekipa Lafaek nurak iha pozisaun 4 ho pontus 3, maske ekipa lafaek sei iha jogu ida kontra Cambodia, maibé Selesaun Nasionál la iha ona oportunidade atu hakat ba faze 4 finais. Tanba Laos ho Malaysia iha ona jona livre para atu hakat ba 4 finais.
ADS
