DILI– Arbitu Romário Saldanha dos Santos Tety, nu’udar Timoroan dahuluk ne’ebé hetan fiar hosi Asean Football Federation (AFF) hodi sai asistente arbitu iha jogu AFF Under (U-19), iha Jakarta Indonézia.
“Ita hakarak apela ba publiku katak arbitu Romário Saldainha dos Santos Tety ba dirije jogu iha kompetisaun AFF U-19 iha Indonesia ne’e ba dahuluk ba ita arbitrajen Timoroan maski iha Timor-Leste ema hotu-hotu duvida ba desizaun arbitrajen sira ne’ebe Romário S. dos Santos ba iha ne’ebá aprende buat barak sai hanesan ezemplu ba arbitu sira hotu katak desizaun ita nia arbitrajen mak ida ne’e” diretor arbitrajen FFTL Nivio da C. Fernandes ba jornalista sira iha nia knaar fatin Bairro Formosa, Díli kuarta (13/07).
Iha Kompetisaun AFF U-19 ne’e, Arbitu Timoroan ne’e sai asistente arbitu ba jogu haat, mak hanesan iha abertura AFF U-19, Myanmar kontra Brunei Daruslam.
Iha jogu daruak, Romário kontinua hetan fiar hodi sai asistente arbitu hodi direji jogu entre Vietnam kontra Filipina, no mós Indonézia kontra Vietname no ikus liu Tailandia kontra Vietname, arbitu Timoroan ne’e mantein sai asistente arbitu dahuluk.
Diretor explika, tuir lolos AFF husu mai FFTL atu haruka arbitu prinsipal ba Indonesia hodi dirije jogu AFF U-19 Championship ne’ebé realiza iha Indonesia iha fulan jullu tinan ne’e maibe tanba arbitu prinsipal Pedro Carvalho okupadu ho nia servisu entaun sira husu RDO hodi halo fali mudansa autoriza asistente arbitrajen Romario S. dos Santos hodi substitui arbitu Pedro Carvalho ne’e ba dirije jogu iha kompetisaun AFF U-19 Championship 2022 ne’e.
Nia dehan, arbitu Romário S. dos Santos hetan oportunidade dirije jogu ne’e tanba nia iha sertifikadu nivel A hosi AFF.
Sai asistente iha eventu AFF sub-19 ne’e, Arbitu Timoroan ne’e hatudu rekor berliante iha Desizaun ne’ebé mak nia foti tanba ne’e hein katak ba futuru bele hetan fiar nafatin hodi hetan oportunidade iha eventu internasional sira.
Dadaun ne’e Timor-Leste iha arbitu nian ne’ebé nmak iha lisensa nivel A iha AFF mak arbitu prinsipál Pedro Carvalho no Romário S dos Santos
Arbitu iha Timor-Leste hamutuk 567 husi lisensa nível A hamutuk nain rua, nível B iha nain sanulu, nível C iha nain- 68 no lisensa D iha nain- 487 ne’ebe hetan formasaun husi 2019 to’o 2021.
ADS
