DILI- Orgaun Liga Futebol Timor-Leste (LFTL), hamutuk ho Federasaun Futebol Timor-Leste (FFTL) Ofisialmente anunsiu ona realizasaun Liga Timorense Époka 2022-2023, ne’ebé mak tuir planu atu realiza iha fulan Agostu Tinan ne’e, maibé to’o oras ne’e seidauk iha enkotru triparte entre LFTL, FFTL no Sekretariu Estadu Juventude no Desportu (SEJD), tanba seidauk simu konvite hosi SEJD.
Antes ne’e iha loron 25 fulan junu tinan ne’e parte ezekutivu LFTL no FFTL hasoru malu on no parte rua konkorda malu ona hodi realiza Liga Timorense Epoka 2022-2023, Kick off sei realiza iha loron 18 fulan agostu tinan ne’e desizaun ne’e halo klube Academica FC, Assalam FC , Karketu Dili FC no As Ponta Leste ezizi tenke enkontru ho triparte FFTL, LFTL no SEJD hodi koalia orariu serteza no finansiamentu ba klube sira mak foin Liga Timorense.
Relasiona ho perkupasaun klubu sira nian ne’e diretor Relasaun Públika Liga Futebool Timor-Leste (LFTL) Diego Neto Fraga, informa, LFTL esforsu hela hodi realiza enkotru triparte hodi núne’e bele realiza Liga iha tinan ne’e.
“Kestaun klube sira nian mak ami hala’o enkontru ne’e iha loron 25 fulan junu tinan 2022 ho Sekretariu jeral FFTL no diretor tekniku koalia orariu jogu no enkontru triparte FFTL, LFFL no SEJD ne’ebe ita sente anin foun ida atu mosu mai ona” informa Diretor Relasaun Publikas Diego Neto Fraga ba jornalista iha nia knaar fatin Stadiun Munisipal Dili kuarta (13/07).
Nia relata, maibe depois ezekutivu LFTL nian bá konfirma fali kona-ba bainhra mak parte tolu FFTL, LFTL ho SEJD atu tuur para deside hamutuk hodi ko’alia kona finanseiru suportasaun bá klube sira iha divizaun dahuluk no daruak ne’ebe kestaun ne’e mak sira koalia hotu iha enkontru ne’ebe sira hein deit bainhira mak prezidente FFTL iha tempu hasoru prezidente LFTL hodi koalia kestaun ne’ebe klube sira ezizi hela
“Hein deit ne’ebe ita labele muda buat ruma tanba Prezidente FFTL no LFTL tenki tuur hamutuk ho SEJD ne’ebe SEJD mak sei hasai karta konvite ba prezidente orgaun rua ne’e atu tuur hamutuk koalia Liga Timorense maibe too agora seidauk iha informasaun husi SEJD ne’ebe kalenderiu ne’e dinamiku ne’ebe bele ajusta deit kompetensia LFTL nian no finanseiru suportasaun ne’e kompetensia FFTL nian ne’ebé tan ida ne’e presiza tuur hamutuk entre triparte hamutuk ho klube sira rezolve buat hotu los mak realiza Liga Timorense hodi nune’e kompetisaun bele lao furak ba ema hotu asiste” nia tenik
Entretantu Sekretáriu Jerál FFTL Gregorio Correia hatete, nia parte hasoru ona SEJD husu atu halo enkontru triparte FFTL,LFTL ho SEJD maibé SEJD resposta dehan hein lai depois mak sira haruka karta konvite
“Hau mós bá hasoru ona SEJD foin lalais ne’e atu husu halo enkontru triparte FFTL,LFTL ho SEJD maibé SEJD resposta dehan hein lai depois mak sira haruka karta konvite mai ami FFTL no LFTL maibe to’o agora SEJD seidauk manda karta mai ami ne’ebe orsida ka aban FFTL hau sei tenta SEJD atu husu karta konvite ne’e bainhira mak atu haruka ba FFTL” Gregório dehan
ADS
