DILI– Festival desportu ba Modalidade 5 ne’e sei hala’o iha sabadu loron 16 fulan Jullu, tinan ne’e, ho objetivu atu selebra koperasaun bilateral entre Governu Timor Leste ho Governu Cuba ba dala 20.
Festival Desportu “husi Kaiman (lafaek) ba Kaiman” realiza hodi selebra aniversariu tinan 20 nasaun relasaun bilateral Cuba ho Timor-Leste no mos restaurasaun independensia Timor-Leste ba da-20”.
“Ita hakarak realiza festival desportivu iha sabadu semana ne’e hodi selebra aniversariu tinan 20 nasaun relasaun bilateral Cuba ho Timor-Leste no mos restaurasaun independensia Timor-Leste ba da-20” informa representante SEJD David Tomsd de Deus ba jornalista sira liu husi konferensia imprensa iha edifisiu SEJD Lecidere, Díli kinta (14/07).
Nia dehan, festa popular ne’e envolve koordenador rezidente husi nasaun unidas ne’ebe sai hanesan protagonista ba eventu ida ne’e ho embaixada Cuba ne’ebe ho kompromisiu ba dezenvolve ba area sira hanesan saude, edukasaun no desportu iha Timor-Leste hamutuk Sekretariu Estadu Juventude Desportu (SEJD) sai hanesan promotor ba atividade fizika no mos kontrapartida husi governu RDTL.
Tuir nia, eventu ida ne’e mos ba reativa fali atividade CAR FREE ZONE ne’ebe realiza antes pandemia Covid-19 ho nia objetivu promove desportu no atividade fisika, hanesan dalan ba moris saudavel no halo saude diak liu iha momentu pos covid-19 no apoiu governu Timor-Leste iha esforsu ba atinji objetivu sira husi dezenvolvimentu sustentavel.
Nia informa, metas ne’ebe iha ajenda 2030 husi nasaun unidas hodi promove estilus moris saudavel no ambiente inkluzaun ba komunidade no populasaun hotu-hotu no halo ho diversidade no promove inklusaun, estimula participasaun husi ema hotu ho moto mak desportu katak direitu povo nia no la husik ema ba iha kotuk.
atividade festival ne’e realiza ba dala rua tuir orariu sei hala’o iha loron sabadu 16 fulan jullu semana ne’e no sei hahú hosi Embaixada Cuba.
Atividade desportivu ne’ebe mak sei hala’o mak maratona atletizmu popular, siklizmu populár, check up ba komunidade sira husi mediku Cuba, jogu amizade voleibol, futsal no xadres.
Atividade ne’e hala’o tanba servisu hamautuk entre Ministériu Saude, UN koordenador rezidente, Polisia Nasional Timor-Leste (PNTL), Universidade Nasional Timor-Leste (UNTL) no profesor misaun kubanu desportu no hetan apoiu tekniku husi federasaun atletismu, siklizmu, voleibol no xadres
Orsamentu ba sira apoiu ba festival Desportu ne’e mai hosi governu liu husi Sekretariu Estadu Juventude no Desportu no governu Cuba ho montante 3,000 USD.
Tuir orariu, Festival desportivu ba dala rua ne’ebe hala’o iha loron sabadu deit hahu husi oras 07:30 dader to’o 12:00 meudia ne’ebe eventu ne’e nakloke ba Timoroan hotu ne’ebe sei hetan premiu barak husi dada sorteiu eventu ne’e no festival ne’e promove diversidade no promove inkluzaun katak desportu direitu povu nian la husik ema ida iha kotuk ho animasaun desportu atletismu, siklizmu, voleibol, futsal no xadres.
ADS
