DILI –Sekretariu Estadu Juventude no Desportu (SEJD), Abrao Saldanha, sei haruka karta ba Federsaun Futebool Timor-Leste (FFTL), no Orgaun Liga Futebool Timor-Leste (LFTL) hodi hala’o enkotru triparte kona-ba realizasaun Liga Timorense epoka 2022-2023.
“Semana oin ami bele manda ona karta ba FFTL no LFTL, semana oin segunda ou tersa hanesan ne’e” informa SEJD Abrão Saldanha ba jornalista sira iha edifisiu SEJD Lecidere, Díli sabadu (16/07).
Kona-ba enkotru triparte nia, Abráo hatete, tanba iha tinan kotuk hala’o ona enkontru triparte ho núne’e tinan ne’e la presiza triparte, maibé enkotru parte Rua entre FFTL ho LFTL mak enkontru sira entende malu SEJD prontu suporta iha sira nia kotuk ho finansiamentu ne’ebé mai husi governu ba realizasaun Liga Timorense epoka ne’e iha fulan agostu.
Governante explika, iha tinan oin sai parte ida de’it mak FFTL mesak ne’ebe dehan katak agora ba oin governo neineik husik autoridade liga nian ba hamutuk ho federasaun labele governu tau liman hela de’it ba serbisu ida ne’e se lae bele hamosu komplikasaun ba organizasaun internasional katak liga ne’e governu mak organiza laos federasaun.
Fo hanoin fila fali katak Antes ne’e FFTL ho LFTL deside ona realizasaun Liga Timorense Époka 2022-2023 ne’e atu realiza iha loron 18 fulan Agostu tinan ne’e, maibé parte rua sei hein konvite hosi Sekretariu Estadu Juventude no Desportu (SEJD).
Enkuantu Liga Timorense primeiru divizaun iha klubu 8 tanba Biavista Fc rejigna aan no Lalenok United hetan sansaun husi FIFA.
Enkuantu iha segunda divizaun iha klubu 9 tanba klubu Sporting klubu de Timor simu sansaun hodi degrada ba terseiru divizaun.
ADS
