DILI-Ohin sabadu (16/07), Governu Timor Leste liu husi Sekretáriu Estadu Joventude no Desportu (SEJD), hamautuk ho Embaixada Cuba realiza Festival Desportu “Kaiman ba Kaiman” hodi selebra 20 anos koperasaun bilateral entre Cuba ho Timor Leste.
“Ohin ita realiza festival desportivu “husi Kaiman (lafaek) ba dala rua ho ambitu komemorasaun tinan 20 kooperasaun entre nasaun Cuba ho ita nia rai tanba festival desportivu nu’udar rekreativa ida ho intensaun pratika ba moris saudável ho atividade fizika“, SEJD Abrão Saldanha ba jornalista sira iha fatin festival eis sional Lecidere, Díli sabadu (16/07).
Abrao sublina, uluk mos ho embaixada Cuba halo ona ho naran Free Car Zone ne’ebé agora sira halo tan festival desportivu ho intensaun la’ós se mak sai kampiaun maibé pratikamente ba promosaun moris saudável liu husi atividade fizika tanba kooperasaun bilateral hamutuk ho nasaun Cuba haree liu ba area saude maibé agora la’o mos ho desportu ne’ebé setor saúde ho desportu ne’e area rua ne’ebé liga ba malu bainhira atividade fizika la’o ho di’ak mellora mos saúde ho di’ak liu tan tan ne’e sira ho embaixada Cuba hili atividade desportivu ida ne’e.
Iha sorin seluk enkaregadu negosiu embaixada Cuba-TL José E. D. Pérez hatete, sira agradese hamutuk SEJD realiza festival ida ne’e hodi selebra aniversáriu kooperasaun bilateral entre Cuba ho Timor-Leste no atividade ne’e hodi promove saúde liu atividade desportu hodi halo saúde ema iha Timor-Leste diak hodi ba dezenvolvimentu sustentavel ba area saúde no desportu ne’ebe festival ida ne’e ho naran husi “kaiman (lafaek) ba kaiman”.
Atividade ne’ebe halo iha festival ne’e mak hanesan dansa anaerobiu, siklismu, atletizmu, futsal, voleibol no xadres, dada no atraksaun artemarsiais husi membru Kmanek Oan Rai Klaran (KORK), Ikatan Kera Sakti (IKS) no Persaudaraan Setia Hati Terate (PSHT).
Partisipa iha atividade Festival Desportu ne’e mak Ministra saúde, SEJD, UNTL, embaixador Cuba-TL, embaixador Nova Zelândia-TL, Membru PNTL, Membru UN rezidente, membru artemarsiais KORK, IKS, PSHT no komunidade sira no fatin festival ida ne’e halo iha rezisdensia embaixada Cuba iha Farol no edifisiu SEJD iha Lecidere.
ADS
