DILI- Treinador Selesaun Nasional U-19 Eduardo Pereira, informa, Selesaun Nasional U-19 hasoru difikuldade barak iha faze preparasaun molok ba kompete iha eventu (AFF) U-19 Championship 2022, iha Indonézia.
Selesaun Nasionál sub-19, Timor-Leste tinan ne’e fila sedu husi jogu AFF U-19 ne’ebé mak Realiza iha nasaun Indonézia.
Timor Leste iha grupu (B) hamautuk ho nasaun, Laos, Cambodia, Singapoore no Malaysia. Iha eventu ne’e Timor Leste rekolla de’it pontus 6 hosi jogu 4 ne’ebé mak sira hala’o derota dala rua no hetan vitoria dala rua ho rezultadu ne’e hatuur ekipa Lafaek nurak ne’e okupa iha terseiru kualifiksaun grupu B, ho núne’e ekipa tenke elimina hosi eventu refere.
Ho rezultadu moruk ne’ebé mak ekipa selesaun nasionál hetan, Treinador selesaun nasionál U-19, Eduardo Pereira, informa, sira hetan difikuldade barak iha faze perparasaun.
“Durante preparasaun to’o partisipa kompetisaun ne’e hetan difikuldade barak, halo preparasaun ne’e antes tiha ona ne’ebé ha’u halo proposta ba federasaun atu halo try out internasional dala ida ka rua, tenke iha training camp iha rai laran ka rai liur atu nune’e bele kontrola jogador sira no antes fulan ida ka semana rua ba halo training camp iha Indonesia ka nasaun sira seluk atu nune’e try out ho sira hodi hatene jogador sira nia performa idak-idak nian maibé prospota la aprova entaun foin dadauk ne’e ami fo treinu no hahan de’it ba ita nia jogador sira ida-idak fila ba uma ne’ebe susar atu ami kontrola sira tanba ami la tuir sira iha ida-idak nia uma” Treinador selesaun nasional U-19 Eduardo Pereira ba jornalista sira iha edifisiu FTTL Bairo Formosa, Díli tersa (17/07).
Treinador haktuir, difikuldade ida seluk mos antes ne’e federasaun halo pedidu ba SEJD atu loron lima ikus selesaun utiliza kampu hodi treinu maibé la fo ne’ebé halo nia triste tebes no antes hala’o jogu jogador prinsipal nain ida hetan covid-19 no nain rua mos hetan aleija bainhira sira halo treinamentu antes kontra nasaun Laos ne’ebe difikulta treinador hodi muda estratejia entaun tenki tau fali jogador seluk hodi tuir nia hakarak ne’ebe bainhira hatun fali jogador sira ne’e hatudu Jogu di’ak duni no marka golu duni ba adversariu.
Nia Informa, durante selesaun nasional U-19 Hala’o jogu iha kompetisaun AFF U-19 Championship 2022 ne’ebe falla iha parte defeza ne’e hau rekonese tanba bainhira haree jogador ida nia perfoma di’ak ne’e fo konfiansa para joga iha jogu tuir mai ne’ebe derrota kontra Laos no manan 1-0 kontra Singapura jogador ne’e hatudu jogu diak maibe jogu kontra fali Malaysia ne’e nia senti hasoru hela presaun hasoru jogador Malaysia tanba sira nia postura diak hotu no jogador balun joga iha liga nasaun Belgia nian ne’ebe jogador ne’e halo falla duni hodi Timor-Leste sofre golu.
Eduardo mós husu ba, FFTL tenki realiza liga ba jogador U-16 no U-18 atu nune’e treinador sira ba selesaun nasional sub-19 no sub-16 nune’e bele hafasil ba treindor atu hili jogador ba selesaun nasional iha idade sira hanesan ne’e
ADS
