DILI- Asosiasaun Futsal Timor-Leste (AFTL) sei hein desizaun husi Federasaun Futeból Timor-Leste (FFTL) hodi realiza liga futsal ba epoka 2022.
Tuir Sekretáriu Jeral AFTL, Fernando Baptista hateten, jogu futsal loloos iha Fulan Augusto tinan ne’e maibé sei hein reniuan exco husi FFTL.
“Ita sei hein desizaun husi FFTL bainhira halo reniuan exco mak ita realiza jogu ne’e“, dehan nia ba JHD via telefon, Segunda (25/07/2022).
Sekjen ne’e haktuir, bainhira desizaun husi FFTL fiksu ona, hafoin loke janela transferensia ba jogadór sira.
Fernando informa, daudaun ne’e AFTL Informa ona ba klube sira nune’e sira prepara hodi buka jogadór.
Nia hateten, AFTL mos identifika ona kampu rua mak, kampu F-FDTL no GMT hodi realiza liga futsal primeiru divizaun no segundu divizaun.
Entretantu klube ba divizaun dahuluk kompostu husi klube 10 no divizaun daruak husi klube 14, klubu sira ne’e mai husi pra-liga futsal Timor-Leste iha tinan kotuk 2021.
Caet
