DILI- Governo liu hosi Sekretariu Estadu Juventude no Desportu (SEJD) apoiu orsamentu 10.000 dólar Amerikanu ba Federasaun Taekwondo Timor-Leste (FTTL), hodi realiza kampeonatu nasonal 2022.
Kampionatu nasional FTTL ne’e partisipa husi dojan 18 iha Dili no asosiasaun hosi munisipiu haat Liquica, Manatutu, Bobonaru no Lautém.
“Eventu ne’e ita halo ba atleta senior sira tanba iha tinan ne’e ita nia atleta sira nia prestasaun tun kompara ho tinan uluk ne’ebe sempre hatudu prestasaun iha kompetisaun internasional sira“, prezidente FFTL Gabriel da Costa ba jornalista sira iha fatin kompetisaun jinajiu desportu Díli, Caicoli (23/07).
Nia afirma, Objetivu hosi kampionatu Nasional tinan ne’e atu hetan fali atleta fini foun hodi prepara kompetisaun internasional sira iha futuru hanesan Sea Games iha tinan 2023 no atu hili atleta potensial sira atu nune’e bele hamutuk ho ekipa nasional sira hodi hetan oportunidade ba partisipa eventu internasional sira.
kompetisaun ne’e hala’o loron ida deit tuir lolos atu halo ba loron rua maibé bazeia ba orsamentu ne’ebé hetan apoiu husi governu liu husi SEJD ho montante 10.000 USD.
Nia haktuir, kompetisaun ne’e partisipa husi atleta feto tolu no mane tolu tuir idak-idak nia klase kada dojan ida ne’ebe atleta feto sei joga iha klase 46, 49 no 53, atleta mane sira joga iha klase 54, 58 no 63
Nia dehan, munisipiu sira seluk labele partisipa tanba seidauk iha atleta sénior no sira iha atleta junior de’it ne’ebé hein katak sira sei partisipa iha kampionatu tuir mai.
Dojan 18 ne’e mak dojan Koni, Roto, Dragon, XSC, IPDC, Doque de Caxias, Bemori, Culuhun, Unital, Unpaz, Sional, B3, Leão Rai Nain, 10 de Dezembro, CFP, Choque, Taibesi Leste,
Totál atleta hamutuk 132 kompostu hosi feto nain-66 no mane nain-66.
ADS
