Dili – Trabailador timoroan iha Norte Irlánda realiza torneiu Futeból ‘ReferendumCup’ atu halibur malu hodi komemora loron konsulta populár ba dala 23, ne’ebé mak sei monu iha loron 30 agustu, tinan ne’e.
Trabailador Timoroan iha Norte Irlánda halibur malu hodi realiza jogu amizade Futeból ‘Referendum Cup’ hodi komemora loron konsulta popular 30 de agustu hodi hanoin hikas loron importante ne’ebé Timoroan hala’o eleisaun dahuluk iha loron 30 fulan Agustu 1999, atu determina ukun rasik a’an
“objectivou jeral husi realizasaun torneiu “Referendum Cup” ne’e para halibur Timoroan hotu ne’ebé servisu iha Irlanda do Norte, no mós hodi relembra fali ita nia loron importante votasaun ba ukun rasik an 30 de Agusto 1999” informa Responsavel Principal ba jogo Referendum Cup, Helio dos Reis Horta, ba JHD via whatsapp kinta (28/07).
Torneiu ‘Referendu Cup’ 2022 ne’e partisipa hosi Klubu hamautuk 15 ne’ebé mak mai hosi trabailador Timoroan sira ne’ebé mak hala’o serbisu iha Irlanda do Norte.
Eventu “Referendum Cup” ne’e sira komesa iha tinan 2017 hahú hosi jogu entre Bairru depois mak hodi muda ba jogo entre klubu.
Premio mak ne Ami iha tasa Rotativa Ida nomos tasa permanente ba primeiru lugar, Segundu no terseiru lugar.
Aleinde ida ne’e mós iha tasa ba melhor marcador ka top score melhor Guarda rede nomos melhor jogador.
Ekipa sira ne’ebé mak partispa torneo ‘Referendum Cup’ hotu-hotu simu palaka Ida hanesan obrigadu ba ekipa nia partisipasaun medaila ba ekipa 4 ne’ebé tama hanesan top 4 arbitu sira mós simu medaila ou palaka Ida hanesan obrigadu ba sira nia disponibelidade.
Totál klubu 15 ne’e mak hanesan, As Bidau, FC LoroSae, Fc Vemasse, Uniao Kaibauk, Fc Lafaek, Fc Assuwain, Fc Fitun Unidade, Fc Unidos, Fc RusaFuik, Calfi United, Fc Mausoko, Deportivo Lari-Fano, FoinSae Fc, Fc Timor Furak, Fc Likurai
Hosi klubu 15 ne’e fahe ba pool 4 hosi A to’o D, no torneu ‘Referendu Cup’ abertura ona iha loron 27 fulan Jullu no tuir orariu jogu ne’e sei termina iha loron 27 fulan Agostu tinan ne’e.
CharllY Junior
