Dili — Malkamer Fc susesu rekolla pontus 3 iha jogu dahuluk, Taça FALINTIL Futsal 2022, iha faze grupu (F), hafoin hanehan nia ekipa adversariu As Jerman ho score 4-2. No jogador estrela Paulo Gally Freitas marka golu 2.
Duelo entre ekipa rua ne’e hala’o iha kampu Futsal F-FDTL Fatuhada Dili sabadu (13/08). Iha inisiu jogu ekipa rua hotu-hotu hatudu jogu furak iha kampu hodi atrai adeptus hadomi Futsal ne’ebé mak asistente direita jogu refere.
Maibé jogu foin hala’o de’it minutu 2 ekipa Malkamer Fc, lídera kedas ho score 1-0. Hafoin jogador Estrela, Paulo Gally Freitas susesu fura rede As Jerman.
Ho score refere jogu la’o kedas ho ritmu ne’ebé maka aas ho ho núne’e tama ba iha minutu 5, klubu hosi Munisipiu Manatuto ne’e konsge responde hikas golu ida hodi halo balansu ba score 1-1, liu hosi jogador, Agostino Soares.
Ekipa rua mantein lansa kontra ataka ba malu no tama ba iha minutu 13, Ekipa As Jerman Fc, ne’ebé mak nu’udar ekipa primeiru divizaun iha Liga Futsal Timor-Leste, konsge produs tan golu ida hodi lídera hikas ho score 2-1, liu hosi jogador, Jacinto da C. Soares.
Ho score refere ekipa rua mantein lansa kontra ataka ba malu maibé la iha tan golu ruma akontese to’o termina jogu primeira parte, ekipa As Jerman mantein lídera 2-1.
Kontinua ba jogu segunda parte jogu hahú kedas ho tensi ne’ebé mak aas liu hosi tekniku no tatika hosi kada ekipa, maibé ekipa Malkamer Fc, ne’ebé mak sofre uluk golu iha Primeira parte marka hikas golu ida hodi hatuur score ba 2-2, liu hosi jogador, Vinhas.
Ho golu ne’e halo ekipa As Jerman hahú lakon nia kontrola ho núne’e tama ba iha minutu 27 Paulo Gally Freitas marka tan nia naran hodi lídera hikas ho score 3-2.
Score 3-2 ne’e halo intensidade jogu komesa manás liu tan liu hosi kontra no ataka, ho nune’e tama ba iha minutu 35 sorti di’ak monu ba ekipa Malkamer Fc hodi haboot liu tan score ba 4-2, liu hosi jogador, Asiu Nilton.
Hela ho score 4-2, As Jerman tenta nafatin hodi produs golu maibé Gally ho nia ekipa la fó fatin ba ekipa As Jerman hodi produs golu to’o termina jogu segunda parte vitória ba ekipa Malkamer Fc.
Hosi Rezultadu vitória ne’e hatuur ekipa Malkamer Fc, okupa iha Primeiru klasifikasaun grupu (F) ho pontus 3 hosi jogu dala ida.
Enkuantu ekipa As Jerman okupa iha kuartu klasifikasaun ka iha pozisaun ikus liu ho pontus 0.
Entretantu jogu ne’e ho objetivu atu komemora loron FALINTIL ba dala 47 ne’ebé mak sei monu iha loron 20 fulan Agostu 2022.
Reportajen : Ekipa kobertura
