Dili – Maske sei hela jogu ida Klubu Segundo divisaun Maudoko Fc sai klubu dahuluk ne’ebe eleminadu husi Taca Falintil 2022, hafoin sofre derota kontra nia ekipa adversariu Fc Coelho ho score 1-5 iha faze apuramentu jogu Segundo ba group D, Ne’ebé mak realiza iha kampu Futsal FFDTL Fatuhada Dili tersa (16/08).
Iha inisiu primeira parte ekipa superior rua ne’e hotu hotu hatudu jogu ho di’ak no kuidadu tebes tanba ekipa rua ne’e hotu hotu mai husi Liga Futsal Timor-Leste.
Maibé ekipa Coelho ne’ebé mak hatudu ritmu jogu ho di’ak konsge produs golu ida liu husi jogador Lino Pinto iha minutu 6 hodi hatuur score ba 1-0.
Ho score refere halo ekipa rua ne’e mantein lansa kontra ataka ba malu maibé defeza hosi kada ekipa mantein sira nia linha hodi la fó fatin ba malu ho nune’e to’o oras Primeira parte termina score mantein 1-0.
Kontinua ba segunda parte ekipa rua hahú kedas fó presaun ba malu maibé ekipa Coelho Fc mak hatudu liu ritmu jogu produs tan golu ida hodi hatuur score ba 2-0, liu hosi jogador Noni Vacoxi.
No tama ba iha minutu 25 Valerio responde hikas golu ida hodi hamihis score ba 2-1.
Tama ba iha minutu 33 Noni Vacoxi maraka tan nia naran ba daruak nia hodi haboot score ba 3-1. La para de’it ho ida ne’e Noni Vacoxi marka tan nia naran ba datoluk nia iha minutu 35 hodi hasae liu tan score ba 4-1.
No tama ba iha minutu 37 Tison Soares marka tan golu ida hodi taka festa golu ho score 5-1.
Hosi rezultadu vitoria ne’e lori ekipa Fc Coelho hakat ba 16 finais Taca FALINTIL Futsal 2022.
Enkauntu Rezultadu derota ne’ebé mak ekipa Maudoko Fc hetan elimina ona sira hosi Taca FALINTIL Futsal 2022. Tanba hosi jogu sira derota hotu
Iha sorin seluk, Coelho Fc hakat ona ba oitavo finais Taca Falintil Futsal 2022, maske sei hela jogu ida
Entretantu jogu ne’e ho objetivu atu komemora loron FALINTIL ba dala 47 ne’ebé sei monu iha loron 20 fulan Agostu tinan ne’e
Ekipa kobertura
