spot_imgspot_imgspot_imgspot_img
spot_imgspot_imgspot_imgspot_img
More

    Halakon Coelho 2-0, Saralima hatudu superioridade

    Dili — Ekipa Saralima Fc, kontinua hatudu nia superioridade jogu hafaoin halakon nia ekipa adversariu Fc Coelho ho score 2-0, iha jogu ikus faze apuramentu pool (D), Taca FALINTIL Futsal 2022.

    Duelo entre ekipa rua ne’e hala’o iha kampu Futsal FFDTL fatuhada Dili (21/08). Iha inisiu primeira parte ekipa superior rua ne’e hotu hotu hatudu jogu ho di’ak no kuidadu tebes tanba ekipa rua ne’e hotu hotu mai husi Liga Futsal Timor-Leste.

    Ekipa Saralima Fc, ne’ebé mak tun ho maun alin rasik na’in 4, hanesan Januriu Ximenes, Bendito Ximenes, Gaspar Ximenes, no Nelson Ximenes, ne’e konsge produs Oportunidade barak hodi halo golu maibé konsge hetan salva barak hosi guarda rede núne’e la konsege sai golu.

    Enkuantu atake ne’ebé mak lansa hosi ekipa Coelho Fc, seidauk bele sei bele antisipa hosi guarda defensivu hosi Saralima Fc ne’ebé mak mantein hatudu jogu ho solidu ho núne’e to’o termina jogu Primeira parte score mantein 0-0.

    Kontinua ba jogu segunda parte, ekipa rua tun kedas ho ambisaun aas hodi produs golu , maibé ekipa Saralima Fc, ne’ebé mak hatudu ritmu jogu ho di’ak konsge produs golu ida liu hosi jogador, Nelson Ximenes, iha minutu 24 hodi hatuur score ba 1-0.

    Ho golu ne’e jogu kontinua manas liu tan tanba ekipa Coelho Fc, mós nu’udar ekipa jigante ida hosi segunda divizaun Liga Futsal Timor-Leste, maibé atake ne’ebé mak sira halo sei bele antisipa hosi maun alin na’in 4 hosi Saralima Fc, núne’e la rezulta golu.

    Tama ba iha minutu 33 ekipa Saralima Fc, produs tan golu ida hodi haboot liu tan score ba 2-0, liu hosi jogador, Bendito Ximenes.

    Ho golu ne’e halo jogu sai manas liu tan hosi kontra no atake ne’ebé mak ekipa rua halo hodi produs golu maibé defeza hosi kada ekipa mantein solidu hodi la fó fatin ba malu hodi halo tan golu to’o termina jogu segunda parte vitória ba Saralima Fc ho score 2-0.

    Hosi rezultadu vitoria ne’e hatuur ekipa Saralima Fc nu’udar Kampeaun grupu ho pontus 9 hosi joga dala 3 konsge manán hotu.

    Enkuantu ekipa Coelho Fc, okupa iha segundu klasifikasaun ho pontus 6 hosi joga dala 3 manán rua no derota ida.

    Entretantu jogu refere ho objetivu atu komemora loron FALINTIL ba dala 47 ne’ebé mak hala’o ona iha loron 20 fulan Agostu horseik.

    Ekipa kobertura JHD

    spot_imgspot_imgspot_imgspot_img
    JHD Admin
    JHD Adminhttps://jhdtimor.com/
    Juventude Hadomi Desportu
    spot_imgspot_imgspot_imgspot_img

    Latest articles

    spot_imgspot_imgspot_imgspot_img

    Related articles

    Leave a reply

    Please enter your comment!
    Please enter your name here

    spot_imgspot_imgspot_imgspot_img