DILI–Babaken Fc, optimista sei manan São Francisco Xavier, iha jogu oitavu finais Taca FALINTIL Futsal 2022
Taca FALINTIL Futsal 2022 hahú tama ona ba faze 8 finais, iha ne’ebé klubu Babaken Fc sei kontra Sao Fransisco Xavier.
Babaken Fc nu’udar ekipa foun ida maibé ekipa Babaken Fc, mos ekipa ne’ebé mak forte tanba sira hakat ba 8 finais refere ho estatutu nu’udar Kampeaun grupu (H) ho pontus 7 hosi jogu dala 3 manán 2 no empata ida.
Enkuantu ekipa Sao Fransisco Xavier hakat to’o iha faze 8 finais ne’e ho estatutu nu’udar runer-up grupu (G) ho pontus 6.
Iha entervista treinador, Babaken FC, Empo Soares, hatete, nia garante nia ekipa sei halakon Sao Fransisco Xavier iha jogu aban.
“Ha’u fiar katak hau nia jogador sei manan são Francisco ho skore 3-1 maski ekipa adversariu ne’e joga ona iha Pra Liga Futsal 2020-2021, maibé ha’u hanesan treinador fiar katak aban ha’u nia jogador sei halo jogu hodi hatudu rezultadu di’ak hodi hetan vitória hodi hakat ba faze tuir mai“, treinador Babaken FC Empo Soares ba JHD iha kampu Futsal Fatuhada, Díli kuarta (24/08).
Treinador hatutan, sira Babaken FC nu’udar klube ne’ebe foin harii maibé sira la hakfodak kontra São Francisco Xavier, tanba nia fiar katak sira nia ekipa sei halo buat ruma hodi fo rezultadu diak maske hasoru ekipa jogu ne’ebe mais esperensia.
Entretantu iha sorin seluk treinador São Francisco Xavier, Francisco Antoninho hatete, sira preparadu ona no prontu ba aban jogu kontra Babaken FC hodi hetan vitória tanba sira nia objetivu iha kompetisaun ne’e tama to’o final maibe skore ba jogu aban nian jogu minutu 40 remata mak foin hatene se mak sai manan nain.
“Preparasaun ba jogu aban nian kontra Babaken FC ami prontu tiha ona hodi hetan vitória ba jogu refere tanba ami nia objetivu tuir tasa futsal Falintil 2022 to’o final no skore ba jogu aban nian labele determina maibe rezultadu minutu 40 hotu mak foin ita hatene se mak sai manan nain“, tenik treinador.
Nia dehan, iha jogu aban kontra Babaken Fc, sira sei jogu ho kuidadu minutu 5 nia laran hatene ona adversariu nia jogu mak sira halo fali estratéjia hodi halo jogu hasoru sira hodi hetan vitória iha jogu refere.
ADS
