DILI—Klubu segunda divizaun liga futsal Timor-Leste, AD Estrela Baguia suseu hakat ain ba 4 finais Taca Falintil Futsal 2022, hafoin harahun nia ekipa adversáriu Ministeru Obras Publika (MOP) ho score 5-2 iha oitavu finais.
Duelo entre ekipa rua nee halao iha kampu futsal F-FDTL, Fatuhada Dili (24/08), iha inisu jogu ekipa rua halao jogu ho kuidadu tebes hodi mantein linha defeza ida-idak.
Maibe ekipa AD Estrela Baguia, neebe mak mais esperiénsia, tanba sira hosi klubu profesionsl la persija tempu naruk hodi marka golu ho lais tanba jogu foin halao deit ho minutu 4, Estrela Baguia lidera ona ho score 1-0, liu hosi asaun Juvencio.
Liu deit minutu 2 ka iha minutu 6 ekipa MOP, sofre tan golu ida hafoin jogadór, Carlo Godinho marka tan golu ida hodi hasae score ba 2-0.
Score refere hasae liu tan ritmu jogu liu hosi kontra no ataka maibé la iha tan golu ruma mak akontese too termina jogu primeira parte score mantein 2-0 ba Estrela Baguia.
Kontinua ba jogu segunda parte ekipa rua tun kedas ho tékniku no tátiku hosi idaidak nia maibé ekipa Estrela Baguia neebe mak mantein solidu ho forma defensivu la fo fatin ba MOP hodi produs golu.
No tama ba iha minutu 26, Abel Perira produs tan golu ida hodi hasae score ba 3-0.
Ho score nee halo ekipa MOP hahú lakon kontrolu ho nunee Estrela Baguia aproveita hodi aumenta tan golu ida liu hosi jogadór, Carlo Godinho, hodi haboot liu tan score ba 4-0.
Mop foin produs golu responde iha minutu 33 liu hosi jogadór, Salvador da Silva, hodi hatuur score ba 4-1.
Tama ba iha minutu 36 Mop aumenta tan golu ida hodi hamihis score ba 4-2, liu hosi jogadór Sonio Guterres.
Ho golu nee hasae liu tan ritmu jogu liu hosi kontra no ataka ba malu ho nunee antes atu termina jogu segunda parte ekipa Estrela Baguia Produs tan golu ida hodi haboot liu tan score ba 5-2 too termina jogu segunda parte vitória ba Ad Estrela Baguia.
Hosi rezultadu vitória nee lori ekipa Estrela Baguia hakat ba 4 finais taca falintil futsal 2022.
Enkuantu ekipa Mop neebe mak sofre derota tenke elimina hosi Taca falentil futsal 2022, tanba jgu 8 finasi nee halao ho sistema bota fora ka lakon sai .
Entretantu jogu nee ho objetivu atu komemora loron falintil ba dala 47 neebe mak monu iha loron 20 fulan agustu tinan 2022.
CharllY Junior
