DILI– Kampeaun Pra Liga Futsal Timor-Leste epoka 2020-2021 Ramelau Fc, sei reprezenta Timor-Leste, iha jogu AFF Futsal Cup 2022.
Partisipasaun Fc Ramelau nian iha AFF Futsal Cup 2022 ne’e ba dahuluk ne’ebé mak Timor Leste hetan.
Ramelau Fc iha diretu masimu atu partisipa iha jogu AFF Futsal Cup 2022 ne’e hafaoin sai Kampeaun ba Pra Liga Futsal 2020-2021 iha ne’ebé Ramelau Fc sai Kampeaun ho pontus 61 hosi jogu dala 22.
Hosi jogu dala 22 Ramelau Fc susesu rekolla vitória dala 20 no emapta dala ida no mós derota dala ida ho núne’e ekipa Ramelau Fc mak sai kampeaun dahuluk no iha direitu apsoluta hodi partispa iha eventu internasional refere.
Ho núne’e ohin loron 31 fulan Agostu ne’e klubu Ramelau Fc, hala’o despedida ho Federsaun Futeból Timor Leste (FFTL), hodi aranka ba Indonézia no sei kontinua viajen ba iha Taliadia hodi kompete iha AFF Futsal Cup ne’ebé mak sei hahú iha loron 04 fulan Setembru tinan ne’e.
“Ramelau Fc partisipa AFF Futsal club Championship 2022 iha Tailandia ida ne’e hanesan oportunidade diak no dahuluk ba Ramelau Fc ne’ebe ita nia klube balun labele hetan, agora ita nia jogador sira ba laos hanesan jogador de’it maibé sai hanesan mos embaixador Timor-Leste nian ba Tailandia ne’ebe ha’u agradese ba klube Ramelau ne’ebe sai hanesan matadalan Futsal Timor-Leste nian ba rai liur“, sekretariu jeral FFTL Gregório Correia ba jornalista sira liu husi diskursu iha Xanana Sport Center Bairro Formosa, Díli segunda tersa (31/08).
Nia dehan, Ramelau Fc tenke avansa ne’ebé buat ruma nakloke mai FFTL ne’e para ba oin ne’ebe ba kompete sira labele obriga Ramelau Fc atu sai kampiaun maibe ba hatudu katak Timor-Leste mos bele.
Iha fatin hanesan prezidente Ramelau Fc Borja P. Antoninho hatete, sira sente orgullu tanba sai klubu dahuluk iha Timor-Leste ne’ebé reprezenta Timor ba kompete iha eventu internasional.
“Ami sente orgullu tanba nu’udar klube dahuluk iha Timor-Leste ba tuir kompetisaun futsal iha estranjeiru ne’ebé ami ba mos sai hanesan embaixador Timor-Leste nian ne’ebe ami sei tenta masimu hodi hetan rezultadu ba Timoroan hotu nia hakarak maibe tenki leno katak Timor-leste nia futsal foin komesa maibe esperansa ami nian sei hatudu rezultadu diak iha Tailandia” tenik nia
Enteretantu Jogu AFF Futsal Cup 2022 iha Tailandia ne’e Ramelau Fc iha pool (B) hamutuk ho Sahako Fc husi Vietnam no Selangkor FC husi Malaysia. Ramelau Fc sei kompete ho jogador nain-14 ho ofisial no treinador nain 4.
ADS
