Ermera– Prezidenti Federasaun Futeból Timor Leste (FFTL), Fransisco Jerónimo, hatete, sei la hein tan Orgaun Liga Futeból Timor Leste (LFTL), no sei ko’alia direita ho klubu sira hodi realiza Liga Timorense epoka 2022-2023.
“Fó tempu ba ami atu ko’alia ho klubu sira para solusaun saida mak di’ak ba jogu Liga iha Timor Leste, ita labele hein de’it se kuandu parte balun nonok hela” dehan Prezidenti FFTL Francisco Jerónimo ba Jornalista iha Estadion Munisipal Cafe De Ermera Gleno tersa, (30/08).
Nia dehan, sira sei la bolu tan oragun Liga tanba sira perparadu ona maibé oragun Liga mantein taka ibun.
“Ami la’ós bolu tan Liga ona ami fó tiha ona dokumentu buat hotu hotu ba sira atu bele haree agora hein sira pronunsia saida? “
“Ami bolu bebeik hakerek karta mós la iha resposta ne’ebé ha’u hanoin ita boot sira hatene ona horibaihira Sekretariu jerál fó sai ona husu buat sira ne’e hotu“
Nia dehan, FFTL nakloke ba hotu hotu, hotu hotu tenke iha onestu ba malu tanba onestidade ne’e importante ni labele taka aan no labele falun fali buat seluk ne’ebé mak tuir loloos hatete sai lalika tauk.
“Dia 18 ha’u deklara tanba iha tiha ona konkordansia entre ami para dia 18 hahú maibé kuandu tuir mai ami SEJD ho Federsaun hamutuk perpara osan Liga nonok tiha parese ha’u haree iha problema orsamentu“
Tanba ne’e husu ba Liga hatete buat ruma para atu núne’e bele realiza Liga, sira prontu hela maibé sira respeita orgaun Liga ne’ebé mak organiza futeból liga ninia entaun sira nafatin husu ba Liga atu nafatin organiza ho osan ne’ebé iha tiha ona.
To’o notisia ne’e públika JHD seidauk halo konfirmasaun ho parte LFTL
CharllY Junior
