Ermera — Prezidenti Asosiasaun Futeból Munisípiu Ermera (AFM-E),, Lomelino Salsinha, husu ba Federasaun Futeból Timor Leste (FFTL) ho Orgaun Liga Futeból Timor Leste (LFTL), atu tur hamutuk hodi buka solusaun ba Liga Timorense epoka 2022-2023.
“Ami hanoin katak di’ak liu federasaun ho LFTL tenke tuur hamutuk para oinsá Hanoin ida de’it para lori Desportu ne’e ba oin” Informa Prezidenti AFM-E, Lomelino Salsinha, ba jornalista iha Estadion Munisipal Cafe De Ermera Gleno, tersa, (30/08).
Nia dehan, Se buat fasil hela sira la bele halo sa tan buat difisil di’ak liu fó solusaun ba problema nia laran duké hamosu problema iha solusaun nia laran ne’e sei la rezolve buat ida.
“Ha’u Haree ha’u akompanha mós iha média, Futeból la’ós iha nasional de’it maibé iha Munisípiu mós iha Futeból atividade hanesan ne’e asosiasaun hakarak hatudu kapasidade jere ba atividade desportu Futeból iha Munisípiu ba ita nia komunidade sira no mós ba iha nasional ” tenik nia
“Tanba ne’e mak apoia naftin ba Federasaun Para oinsá bele fó Solusaun ba Liga Futeból Timor Leste para oinsá bele la’o ba oin” nia hakotu.
Antes Federasaun Futeból Timor Leste (FFTL) ho Liga Futeból Timor Leste ( LFTL), anunsiu ona katak 18 fulan agusto nu’udar kalendariu hosi FIFA hodi organiza Liga Timorense, maibé to’o agora liga la la’o nafatin.
CharllY Junior
