Ermera — Prezidenti Federasaun Futeból Timor Leste (FFTL), Fransisco Jerónimo, deklara, jogu Asian Games no mós Asian University Games (AUG) lá’os programa FFTL.
Antes ne’e iha loron (21/07) prezidenti Federasaun Desportu Akadamiku Timor-Leste (FDA-TL) Jefriano Tilman Viegas, informa, sira hala’o ona sorumutu ida ho adjuntu sekretariu jeral FFTL Francisco Martins, no SEJD Abrao Saldanha iha edifisiu SEJD no iha enkotru ne’e adjuntu federasaun hatete sira prontu sosa billete aviaun ba jogador sira, maibé ikus mai FFTL la sosa billete ne’ebé mak sira promete atu sosa.
Situasaun ne’e halo FDA-TL ne’ebé mak nu’udar implementador ba atividade refere sente triste tanba Timor-Leste tenki kansela modalidade futebol hodi la partisipa iha eventu AUG tinan ne’e.
Hetan ba kestaun ne’e Prezidenti FFTL, Francisco Jerónimo, deklara Asian Games no University University Games la’ós la’ós programa FFTL.

“Ita ko’alia Konaba Asian Games, Asian University Games, ne’e la’ós programa Federasaun nian, ha’u hatete ba públiku ne’e la’ós programa Federasaun nian” informa Prezidenti FFTL Francisco Jerónimo ba Jornalista iha Estadion Munisipal Cafe De Ermera, Gleno, tersa, (30/08).
Nia afirma, Asean University Games ne’e la’ós membru Federasaun Futeból Timor Leste ne’e tenke klaru.
“Agora se Federasaun iha orsamentu para atu apoia ami apoia ami dehan katak ami labele ami labele obriga aan apoia organizasaun ne’ebé mak la’ós ami nia membru” dehan Prezidenti FFTL.
“Ne’e la’ós ami nia membru ne’e nusa mak ami bele fó fali osan” deklara Prezidenti FFTL Francisco Jerónimo ho hamnasa.
“Ita ko’alia momos ba malu katak onestidade tenke iha ita labele kahur Federasaun Futeból Timor Leste iha asosiasaun 14 sira ne’e mak sai programa ne’ebé mak Federasaun atu halo la’ós ba ida ne’ebé la hola parte” nia afirma.
Prezidenti FFTL mós rejeita ho deklarasaun hosi Prezidenti FDA-TL ne’ebé mak hatete sira promete atu sosa billete ba jogador sira atu partisipa iha Asian University Games.
“Hori baihira ba ne’e dehan ami promete ami seidauk promete osan, ami ko’alia ba malu ami posibilidade ami apoiu se la iha ami la bele obriga atu fó osan” nia hakotu.
CharllY Junior