Dili– Avansadu Selesaun nasional Timor-Leste, Rufino Gama, sente triste ho Federasaun Futeból Timor-Leste (FFTL), ne’ebé mak la iha Fuan hodi dezenvolve Futeból iha Timor Leste.
Eis jogador Lalenok United ne’e komenta asuntu ne’e relasiona ho sira nia direitu ne’ebé mak to’o oras ne’e Federasaun Futeból Timor-Leste (FFTL) la selu ka deve hela.
Diretu ba jogador sira ne’e ladauk selu besik tinan ida ona desde fulan Dezembru tinan kotuk selesaun nasionál partispa iha Suzuki Cup, no mós selesaun nasionál Timor Leste partisipa iha AFF iha Kambodia no mós ikus liu Timor Leste partisipa iha Asian Games iha Vietnam.
“Ami espiritu vontade joga ne’e sempre iha, nasaun ne’e vontade joga iha ami nia espiritu ba nasaun ne’e boot tebetebes, sira ida tuur Federsaun ne’e ha’u la hatene sira nia espiritu ba nasaun ne’e iha ka lae?” Dehan Rufino ba Jornalista iha Aimutin Dili, kuarta, (15/09).
“Ami kanta pátria ne’e orgullu boot ida ba ami, previleziu ida ba ami jogador ne’e reprezenta nasaun ne’e ami kontente” nia haktuir.
“Ko’alia Konba fuan ne’e. Ami fuan boot hosi ki’ikoan Sub to’o senior ami joga to’o hotu” nia akresenta.
Nia dehan, problema ne’e akontese kleur ona no FFTL promete ona buat barak ba sira maibé realidade la akontese.
Situasaun ne’e la’ós de’it jogador mak infrenta maibé mós ba treindor selesaun nasionál nu’udar mós Diretor tekniku iha FFTL Fabio Marcial.
Tuir informasaun ne’ebé mak Online JHD asesu Treinador ho nasionalidade Brazil ne’e kada fulan hetan salariu ho montante rihun $10 ho núne’e durante fulan lima nia laran FFTL seidauk selu rihun $50 USD.
CharllY Junior
