Dili– Relasiona ho ezizensia hosi jogador selesaun nasional Timor-Leste ne’ebé mak ezizi sira nia direitu ba Federasaun Futeból Timor-Leste (FFTL), atu selu sira nia direitu ne’e, Prezidenti FFTL Francisco Jerónimo, klarifika, katak prosesu la’o hela no haruka ona ba FIFA.
Jogadores hosi ekipa selesaun nasionál Timor Leste ezizi sira nia direitu relasiona ho sira dever ne’ebé mak sira hala’o ona iha jogu Internsional tolu hanesan Suzuki Cup, AFF, no Sea Games Games edisaun 31 iha Vietname.
Diretu hosi jogador sira ne’e to’o oras ne’e ladauk selu desde hala’o viajen ba Suzuki Cup iha fulan Dezembru tinan kotuk, ho núne’e jogador sira ezizi ba FFTL atu selu sira nia direitu.
Hatan ba Kestaun ne’e Prezidenti Federsaun Futeból Timor-Leste (FFTL), Fransisco Jerónimo, klarifika katak prosesu ba pagamentu direitu jogador sira nian ne’e la’o hela.
“Ha’u hakarak esplika ba públiku, ha’u nia alin sira ne’e ba treinu iha Qatar mós tenke selu ne’e labele haluha ne’e mak Timor ohin loron, ba treinu defende nasaun mós lorloron tenke selu” informa Prezidenti FFTL Francisco Jerónimo ba Jornalista sira iha SEJD Dili, kuarta, (14/09).
“Ita fo fatin ba treinu iha Qatar nasaun ne’ebé avansadu ba treinu kampu di’ak buat sira ne’e mós tenke selu ida ne’e mak ami seidauk fó maibé prosesu la’o hela tiha ona tanba ami haruka ona prosesu ba FIFA atu haruka osan ne’e ba Federasaun” nia explika
Nia Afirma, Prosesu la’o agora alin sira hein oituan mós lakoi maibé la’ós dehan FFTL atu la selu iha tinan ne’e lae
Nia haktuir, uniku sira ne’ebé mak ba Qatar jogu ida sira ba joga iha Vietnam pois hotu tiha sira ba tuir treinamentu iha Qatar, sai fali hosi Qatar mai fali joga iha Cambodia hodi mai Timor ne’e mak seidauk.
“Ne’ebé públiku tenke hatene ita ba treinu iha ema nia rai mós selu ne’e hanesan ami ba sosa ema joga nasaun ami freta ema para joga bá nasaun” tenik nia.
Ekipa kobertura JHD