Dili — Federasaun Futeból Timor-Leste (FFTL) sei fó sansaun ba klubu Femenino ne’ebé mak la partisipa iha Taca Roza Muki Bonaparte 2022.
Tuir Kordenador Jeral Kompetisaun Taca Roza Muki Bonaparte, Nonato Soares katak, kada tinan Timor Leste selebra loron mundial feto nian, nune’e Federasaun Futebol Timor-Leste (FFTL) sei organiza eventu ida ho naran tasa Rosa Muki Bonaparte.
Nia dehan, klubu ne’ebe mak la partisipa iha eventu ne’e sei hetan sansaun fo impaktu ba jogadór sira.
“Bainhira sira la partisipa ami sei fo sansaun ba sira ka karta xamada tanba saida mak la partisipa iha Taca Rosa Muki“, hateten, Kordenador Jeral Kompetisaun Taxa Roza Muki Bonaparte, Nonato Soares ba Jornalista iha nia knaar fatin FFTL, Bairro Grillos Formoza, Kinta (15/09/2022).
Nonato esplika, Karta ba klubu sira destribui ona hodi mai rejistu iha eventu refere.
“Klube ne’ebe partisipa iha rasa rosa mukid hamutuk 11, primeiru divizaun hamutuk 6 klubu no segundu divizaun 5″, nia Salienta
Enkuantu klube ne’e partisipa mak hanesan, As Baukau Fc, Akademika Fc, Buibere Fc, AD SLB Lauara, S’amuser Fc, Maranatha Fc, VDL Fc, UNITAL Fc, Sao Jose Fc, Na’in Feto Fc, Maudoko Fc.
Nia dehan, hetan orientasaun husi prezidente FFTL, Francisco Jerónimo atu realiza Tasa Rosa Muki tanba liga futebol tinan ne’e seidauk la’o.
Nia informa, hahú ohin halo ona rejistrasaun ba klube sira no sei taka rejistu iha loron 27 Setembru 2022 no teanical meeting iha loron 28 no iha loron 31 sei abertura eventu refere.
Kona-ba preimu ne’e sempre iha tasa permanente ho osan to’o final mak hatene nia montante no mos iha transporte ba klube sira.
“Maibé ha’u seidauk mensiona tanba ne’e la’os kompetensia ha’u nian, neste momentu prosesu ba orsamentu deslokasaun ne’e iha ona prosesu nia laran“, katak nia.
Entretantu Prezidente Asosiasaun Munisípiu Baukau, Marito da Costa Belo, hateten, sira prepara fulan 3 ona ne’ebe ekipa Femenino Asosiasaun As Baucau nian, prontu tuir kompetisaun Taxa Roza Muki Bonaparte nian.
“Horseik Direktur Kompetisaun liga Femenino nian fo ona informasaun mai katak atu ba rejistu iha federasaun no 28 agora tuir teknikal meeting, tanba ita preparadu atu partisipa iha kompetisaun refere“, katak nia.
Caet
