DILI- Relasiona ho polemika ne’ebé mak mosu iha Federsaun tennis Meza Timor-Leste (FTMTL) na’in ne’e, Prezidente Konfederasaun Desportu Timor-Leste (CDTL), Macario Sanchez, informa, tempu badak sei rezolve.
Polemika iha FTMTL ne’e akontese ona durante tinan naruk entre estrutura tuan no foun ne’ebe halo atividade hotu la la’o. Ho nune’e antes ne’e CDTL bolu parte rua hodi halo mediasaun atu nune’e, bele buka dalan para resolve polemika refere.
“Agora sira tentan atu re-ajusta entre grupu rua ko’alia tiha ona iha tempu badak sei rezolve tanba prezidente atual ho sesante seidauk entrega dokumentu“, dehan Prezidente CDTL Macario Sanchez ba Jornalista hafoin remata enkontru ho eis primeiru Ministru Mari Alkatiri iha Farol, Kuarta (14/09/2022).
Prezidenti CDTL mós rejeita ho problema dualisimu iha Federsaun tennis Meza Timor-Leste nia laran
“Federasaun Tenis Meza Timor-Leste (FTMTL) laiha doalismu iha organizasaun, to’o agora CDTL seidauk identifika tenis de Meza iha doalismu“, katak nia
Maibé Prezidente CDTL ne’e dehan, tenis de Meza iha de’it kongresu ne’ebe la’o tiha ona.
Nia afirma, maibé laiha doalismu iha federasaun nia laran daudaun ne’e sira ajusta dokumentu atu funsiona estrutura iha federasaun nian laran la’o ho di’ak.
Tanba CDTL hein hela rezultadu, maibé konfederasaun komunika nafatin ba sira, daudaun prezidente foun sei halo viajen iha rai-liur.
Prezidente CDTL ne’e hateten, daudaun ne’e vise prezidente interino halo lina kordensaun ho prezidente sesante atu haree prosesu lalais dokumentu sira.
Caet
