DILI– Prezidenti Federsaun Futeból Timor-Leste (FFTL), Fransisco Jerónimo, informa, Federsaun Internsional Futeból Asosiasaun (FIFA sigla ingles) perpara ona orsamentu ba konstrusaun Kampu Demokrasia DILI, maibé sei hein dokumentu komprovativu núne’e FIFA avansa ba analiza kustu no tenderizasaun ba Kompanha.
“Orsamentu ba konstrusaun FIFA prepara tiha ona falta de’it dokumentu komprovativu para FIFA avansa ba analiza kustu no tenderizasaun ba Kompanha ne’ebe FIFA mai halo konstrusaun ba kampu demokrasia sira mos sei halo levantamentu kustu nian ne’ebe agora sira fo tempu ba federasaun buka dalan ba kestaun legal rai tuir rekejitu FIFA nian” prezidente FFTL Francisco Jerónimo ba jornalista sira iha edifisiu SEJD Lecidere, Díli kuarta (14/09).
“Konstrusaun ba kampu demokrasia ne’e ho kampu kiik rua tan ne’e prosesu hotu ona tanba rai atribuisaun governo ba FFTL iha ona no ami haruka ona ba FIFA hela deit ami tuur hamutuk para loke tenderizasaun ba Kompanha sira ne’ebé tenderizasaun kampu ne’e laos federasaun mak halo maibé FIFA mak halo depois FIFA sei determina Kompanha ne’ebé mak sei halo ne’ebé FIFA sei mai rehabilita kampu no lansamentu fatuk dahuluk iha kampu treinu no sei halo levantamentu dadus ba kustu Estadion nian iha fulan outubru para halo tenderizasaun hodi hetan kompania” nia Salienta
Prezidente hatutan, konstrusaun kampu demokrasia ho fasilidade kompleta para bele hala’o jogu iha tempu kalan depois hotu mak foin harii fali Estadion Munisipal Dili ne’ebé konstrusaun Estadion Munisipal Dili ne’e sira hein governu para halo atribuisaun lolos kampu ne’e ba FFTL depois federasaun halo prosesu harii Estadion ne’e.
Iha sorin seluk SEJD Abrão Saldanha hatete, kampu demokrasia lao hotu ona ne’ebe FIFA sei mai halo reabilitasaun no konstrui kampu treinu rua no mos iha tempu ne’e FIFA halo levantamentu dadus ba kustu estadium munisipal Dili nian iha fulan outubru atu nune’e FIFA bele halo ona tenderizasaun ba kompania sira.
“Kampu demokrasia nia prosesu ita nia federasaun no ami halo hotu ona ne’ebe iha fulan outubru ekipa husi FIFA sei mai halo lansamentu ba fatuk dahuluk hodi hadia kampu demokrasia ne’ebe sai kampu kompetisaun no kampu treinu rua ho nia fasilidade kompleta sira no ita nia estadium munisipal sei prense tan rekezitu balun liu-liu ba rai ninian ne’ebe outubru FIFA mai halo mos levantamentu ba dadus ba ita nia estadium ne’e para halo kalkulasaun kustu ba rehabilitasaun estadium ne’e hodi halo tenderizasaun ba kompania sira“, tenik sekretariu estadu
Abrão informa, atribuisaun rai estadium munisipal Dili lolos governu halo ona maibe lei Timor-Leste iha dalan rua deit mak uza konsesaun (consesão uso ) no kontratu arrendamentu nian ne’e governu fo ona Kampu demokrasia ba FFTL no estadium mak fo arrendamentu ne’ebe arrendamentu tuir lei ministerial ida folin karun fulan ida federasaun tenki selu 3000 ba estadu ne’ebe federasaun laos organizasaun lukrativa entaun sira aprezenta difikuldade ida ne’e interna governu buka dalan oinsa hakat dezafiu ida ne’e dala ida mak utilidade publiku.
Governante afirma, governu husu federasaun hatama rekerimentu tuir desportivu publiku ne’ebe lei fo dalan ne’ebe bainhira federasaun iha utilidade publiku atribuisaun rai no ida seluk mak halo arrendamentu seluk ida para tama FIFA nia rekezitu atu nune’e federasaun bele halo konstrusaun ona.
ADS
