Dili – Asosiasaun Ami Família Militár Aswain (AFAMA), no Femenina Falintil Forsa Defeza Timor Leste (F-FDTL) hahu loke inskrisaun ba publiku hodi partisipa iha eventu TACA AFAMA no FEMENINA F-FDTL Futsal 2022.
Asosiasaun Ami Família Militár Aswain (AFAMA) nu’udar organizasaun ida ne’ebé mak harii iha loron 24 Abríl 2013, Asosiasaun Ami Família Militár Aswain(AF-AMA), la’ós faz parte ba instituisaun F-FDTL maibé iha relasaun ne’ebé mak emosional ho instituisaun F-FDTL tanba sira nia kaben fen ho laen hola parte iha instituisaun nia laran.
Femenina F-FDTL la’ós Organizasaun maibé nukleu ki’ikoan ne’ebé mak iha instituisaun F-FDTL nia laran ne’ebé mak toma konta ba Forsa feto sira nian
“AFAMA ho Femenina F-FDTL hakarak oferese eventu ida ne’e ba Joventude hosi forsa nia laran hodi anima sira liu hosi eventu ida ne’e” informa Prezidenti Asosiasaun AFAMA, Roza Maria Quintao, ba Jornalista liu hosi konferensia imprensa iha Fundasaun Falur Rate Laek, Mandarin, Dili, segunda, (19/09).
Espoza Xefi Estadu Maior General F-FDTL, ne’e haktuir, AFAMA nia hanoin no hakarak sira nia Organizasaun ne’e hala’o ona maibé entre AFAMA ho ida ne’e mak AFAMA hakarak hatudu ba públiku i AFAMA mós hakarak habelar no hamorin AFAMA nia naran iha instituisaun nia laran.
Ho ida ne’e mak AFAMA ho Femenina F-FDTL hodi realiza eventu ida ne’e hodi atrai Joventude sira para sira bele mai tuir Eventu ida ne’e.
Iha biban ne’e mós Prezidente AFAMA agradese ba komisaun organizadora JHD no mós ba parseiru sira hotu ne’ebé mak apoiu ona Eventu ne’e.
“Tuir mai husu agradese ba ita nia organizadora sira ho sira nia ekipa tomak hala’o Eventu ida ne’e i agradese mós ba ita nia parseiru sira ne’ebé apoiu ona ita nia Eventu ida ne’e” tenik nia.
Núne’e mós Responsavel Femenina F-FDTL, Tanente Marquita de Cunha, afirma, Femenina F-FDTL servisu hamautuk ho A-AMA atu realiza eventu ne’e no nakloke ba públiku liu liu ba foin sa’e feto no mane ne’ebé no mós ba Ministru sira ne’ebé mak iha interese ba jogu ne’e.
“Objetivu hosi jogu ne’e mak hanesan Primeira faze ne’ebé AFAMA ho Femenina hakarak hala’o tanba durante ne’e AFAMA ami halo atividade ne’ebé interna de’it, Femenina mós ami konsentra de’it ba Femenina militár sira nian, agora ami loke ba públiku bele partisipa” nia informa.
“Ami mós iha militár Femenina sira no mós mana sira ne’ebé iha interese ba Desportu ida ne’e” nia tenik.
Nia haktuir, Orsamentu ba realizasaun atividade ne’e mai hosi parseiru sira lubun ida ne’ebé iha boavontade tebes hakarak atu ajuda jogu ida ne’e i ne’e ha’u seidauk bele ko’alia detailamente tanba ba oin balu hakarak apoiu tan.
“Para Aleinde ne’e ida ne’e Femenina F-FDTL mós hakarak investe oituan orsamentu iha atividade ida ne’e F-FDTL fiksu ona depois hein tan hosi ita nia parseiru sira ne’ebé mak hakarak apoiu” katak nia.
Iha sorin seluk, reprezentante Juventude Hadomi Desportu (JHD) Denis Suares, informa, JHD hetan fiar hosi Asosiasaun AFAMA no Femenina F-FDTL atu organiza jogu amizade ne’ebé mak sira iha.
“Eventu ne’e ami hakarak jogu ne’e ekipa ne’ebé atu mai rejistu ne’e ami hakarak 64 ekipa fahe ba rua ekipa Femenina 32 ba mane 32” informa Dinis A. Soares
Tuir planu jogu ne’e sei hala’o setengah kompetisi no hahú ohin loke ba públiku hodi mai rejistu .
Kada ekipa sei rejistu ho osan dólar 100 no 50 dólar ba osan garantia nian
Kona-ba prémiu ami seidauk bele aberta maibé AFAMA ho Femenina F-FDTL ne’e imposivel atu fó prezente ida ne’ebé ke la satisfas ba ekipa 64 ami sei perpara.
Tuir planu Eventu ne’e sei halo Taca Rotativa núne’e núne’e ba futuru kontinua Realiza hodi hodi hamoris AFAMA no Femenina F-FDTL
Tuir informasaun Eventu refere sei fó prioridade liu ba Ekipa 24 ne’ebé mak Antes ne’e partisipa iha eventu Pra Liga Futsal Timor-Leste.
CharllY Junior
